AKO 1

Talateu Ola Lelei

Ngāue 17:22

MEʻA KE FAÍ: Ko hoʻo talateú ʻoku totonu ke ne langaʻi ʻa e mahuʻingaʻiá, fakahaaʻi pau hoʻo kaveingá, pea fakahaaʻi ʻa e ʻuhinga ʻoku totonu ke mahuʻingaʻia ai ʻa hoʻo kau fanongó ʻi he kaveingá.

FOUNGA KE FAI AI IÁ:

Langaʻi ʻa e mahuʻingaʻiá. Fili ha fehuʻi, kupuʻi lea, hokosia moʻoni ʻi he moʻuí pe ko ha ongoongo ʻa ia ʻe mahuʻingaʻia ai ʻa hoʻo kau fanongó.

Fakakaukau fakalelei tokamuʻa ki he meʻa ʻoku mahuʻingaʻia mo tokanga ki ai ʻa hoʻo kau fanongó pea feʻunuʻaki hoʻo talateú ke fehoanaki mo ia.
Fakahaaʻi pau hoʻo kaveingá. Fakapapauʻi ko hoʻo talateú ʻokú ne ʻai ke mahino ʻa e kaveingá mo e taumuʻa hoʻo malangá ki hoʻo kau fanongó.
Fakahaaʻi ʻa e ʻuhinga ʻoku mahuʻinga ai ʻa e kaveingá. Feʻunuʻaki ʻa e meʻa ʻokú ke leaʻakí ki he fiemaʻu moʻoni ʻa hoʻo kau fanongó. ʻOku totonu ke nau mahinoʻi māʻalaʻala ʻa e anga ʻo e tokoni fakafoʻituitui kiate kinautolu ʻa e kaveingá.

ʻI hoʻo teuteu ha malanga, ʻeke hifo kiate koe, ‘Ko e hā ʻa e ngaahi tuʻunga ʻoku fehangahangai mo e fanga tokoua mo e fanga tuofāfine ʻi heʻeku fakatahaʻangá?’ Pea feʻunuʻaki leva hoʻo talateú ʻo fakatatau ki heʻenau fiemaʻú.