Fakahaaʻi Fakataha mo e Tuipau

1 Tesalonaika 1:5

MEʻA KE FAÍ: Fakahaaʻi ʻokú ke tui mālohi ki he moʻoní pea mo e mahuʻinga ʻo e meʻa ʻokú ke leaʻakí.

FOUNGA KE FAI AI IÁ:

• Teuteu fakaʻāuliliki. Ako ʻa e fakamatalá kae ʻoua leva kuó ke mahinoʻi ʻa e anga hono fakapapauʻi ʻe he Tohi Tapú ʻoku moʻoni ʻa e fakamatalá. Feinga ke fakahaaʻi ʻa e ngaahi poini tefito hoʻo malangá ʻi ha ngaahi foʻi lea siʻisiʻi mo faingofua. Tokangataha ki heʻene ʻaonga ki hoʻo kau fanongó. Lotu ʻo kole ʻa e laumālie māʻoniʻoní.

• Ngāueʻaki ʻa e ngaahi lea ʻe fakahaaʻi ai ʻa e tuipau. ʻI he ʻikai ke toe leaʻaki pē ʻa e foʻi lea tofu pē ʻoku pulusi atu ʻi he fakamatalá, ngāueʻaki ʻa e lea pē ʻaʻau. Fili ha lea te ne fakahaaʻi ʻokú ke tuipau ki he meʻa ʻokú ke leaʻakí.

• Fakahaaʻi ʻokú ke tuipau loto-moʻoni. Lea ʻi ha leʻo-lahi feʻunga. ʻI he feituʻu ʻoku ʻikai ke fakatupu ʻita ke fai peheé, tauhi maʻu ʻa e fetuʻutaki ʻi he sió pea mo hoʻo kau fanongó.