Fakatupu Langa Hake mo Pau

Siope 16:5

MEʻA KE FAÍ: Tokangataha ki he ngaahi fakaleleiʻangá mo e ngaahi meʻa te ne ueʻi ʻa hoʻo kau fanongó kae ʻikai ki he ngaahi palopalemá.

FOUNGA KE FAI AI IÁ:

• Fakatupulekina ha vakai pau ki hoʻo kau fanongó. Falala ko ho kaungātuí ʻoku nau loto ke fakahōifuaʻi ʻa Sihova. Neongo kapau ʻe fiemaʻu ke ke ʻoatu ha akonaki, ʻuluaki fakaongoongoleleiʻi loto-moʻoni ʻi ha taimi pē ʻe ala lava ai.

• Fakangatangata ʻa e fakamatala ʻikai leleí. Fakakau pē ha tafaʻaki ʻikai lelei ʻo ha kaveinga ʻi heʻene ʻomai ha taumuʻa ʻaonga. Ko e tō fakalūkufua hoʻo malangá ʻoku totonu ke pau.

• Ngāueleleiʻaki ʻa e Folofola ʻa e ʻOtuá. Tohoaki ʻa e tokangá ki he meʻa kuo fai ʻe Sihová mo ia ʻokú ne lolotonga faí mo e meʻa te ne fai maʻá e faʻahinga ʻo e tangatá. ʻOatu ʻa e ʻamanaki mo e loto-toʻa ki hoʻo kau fanongó.