Mahinongofua ki he Niʻihi Kehé

1 Kolinitō 14:9

MEʻA KE FAÍ: Tokoniʻi ʻa hoʻo kau fanongó ke nau mahinoʻi ʻa e ʻuhinga ʻa hoʻo pōpoakí.

FOUNGA KE FAI AI IÁ:

• Ako fakaʻāuliliki ʻa hoʻo fakamatalá. Ko hono mahinoʻi māʻalaʻala ʻa hoʻo kaveingá ʻe lava ke ke fakamatalaʻi ia ʻi ha founga faingofua pea ʻi hoʻo lea pē ʻaʻau.

• Ngāueʻaki ha ngaahi sētesi nounou mo ha kupuʻi lea faingofua. Neongo ʻoku ala tali ʻa e ngaahi sētesi lōloá, fakahaaʻi ʻa e ngaahi poini tefitó ʻo ngāueʻaki ha ngaahi kupuʻi lea pe sētesi nounou.

• Fakamatalaʻi ʻa e ngaahi kupuʻi lea ʻikai anga-mahení. Fakasiʻisiʻi ʻa hono ngāueʻaki ʻa e ngaahi kupuʻi lea ʻoku ʻikai anga-maheni ki hoʻo kau fanongó. Kapau kuo pau ke ke lave ki ha kupuʻi lea ʻikai anga-maheni, ko ha tokotaha ʻi he Tohi Tapú, pe ko ha fua naʻe ngāueʻaki ʻi he kuonga muʻá pe anga fakafonua, ʻoatu ha fakamatala.