Maʻá e Toʻutupú

Hoko e Meʻa Kehe ʻi ha Faʻufaʻu Fakapō!

Ngaahi Fakahinohino: Fai ʻa e lau Tohi Tapu ko ení ʻi he ngaahi feituʻu lōngonoa. ʻI hoʻo lau ʻa e ngaahi konga Tohi Tapú, fakaʻuta atu ʻokú ke kau ʻi he meʻa ʻoku hokó. Sioloto atu ki he tuʻungá. Fanongo ki he ngaahi leʻó. ʻAi ke maongo kiate koe ʻa e anga ʻo e ongoʻi ʻa e faʻahinga tefitó. ʻAi ke moʻui ʻa e fakamatalá.

ʻANALAISO ʻA E TUʻUNGÁ.—LAU ʻA E TANIELA 6:1-28.

Ko e hā hoʻo fakakaukaú? Ko e tangata fēfē ʻa Talaiasi? Fakamatalaʻi ʻa hono fōtungá ʻi hoʻo fakakaukauloto atu ki aí. Ko e hā e tō ʻo hono leʻó ʻokú ke “fanongo” ki aí? (Toe lau ʻa e veesi 14, 16, 18-20.)

․․․․․

ʻOku fēfē ʻa e ʻaná, pea ʻe fēfē haʻo fakamatalaʻi ʻa e fanga laioné?

․․․․․

Fakamatalaʻi ʻa e meʻa ʻokú ke fakaʻuta atu naʻe hoko lolotonga ʻa e ʻuluaki ngaahi miniti hili hono tāpuniʻi ʻo Taniela ʻi loto ʻi he ʻana ʻo e fanga laioné.

․․․․․

FEKUMI LAHI ANGE.

Ko e hā naʻe meheka ai kia Taniela ʻa e kau ʻōfisa ʻa Talaiasí? (Toe lau ʻa e veesi 3.)

․․․․․

Ko e hā naʻe fili ai ʻa Taniela ke lotu fakahāhā lolotonga naʻe mei malava ke ne fai ia ʻi he liló? (Toe lau ʻa e veesi 10, 11.)

․․․․․

Ko e hā nai naʻe lelei ai kia Talaiasi ʻa e lao naʻe fokotuʻu fekauʻaki mo e lotú? (Toe lau ʻa e veesi 7.)

․․․․․

NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .

Loto-toʻa neongo ʻa e fakafepakí.

․․․․․

Ko e mahuʻinga ʻo e lotú.

․․․․․

ʻOku tokanga ʻa Sihova ki heʻene kau sevāniti mateakí.

․․․․․

KO E HĀ ʻOKÚ NE UEʻI LAHI KOE ʻI HE FAKAMATALA KO ENÍ, PEA KO E HĀ HONO ʻUHINGÁ?

․․․․․