MAʻÁ E TOʻUTUPÚ
Tangata Naʻe Tui ki he Ngaahi Talaʻofa ʻa e ʻOtuá
Fakahinohino: Fai ʻa e lau Tohi Tapu ko ení ʻi he ngaahi feituʻu lōngonoa. ʻI hoʻo lau ʻa e ngaahi konga Tohi Tapú, fakaʻuta atu ʻokú ke kau ʻi he meʻa ʻoku hokó. Sioloto atu ki he tuʻungá. Fanongo ki he ngaahi leʻó. ʻAi ke ke ongoʻi ʻa e ngaahi ongoʻi ʻa e faʻahinga tefitó.
ʻANALAISO ʻA E TUʻUNGÁ.—LAU ʻA E SENESI 12:1-4; 18:1-15; 21:1-5; 22:15-18.
Fakamatalaʻi ʻa e anga nai ʻo e ongoʻi ʻa ʻĒpalahame ʻi heʻene fanongo ki he talaʻofa ʻa e ʻOtuá te ne hoko ko ha tamai ʻa ha “hako” ʻa ia ʻe maʻu ʻaonga mei ai ʻa e māmaní kotoa.
․․․․․
ʻOkú ke pehē naʻe fōtunga fēfē ʻa e kau ʻaʻahi ʻe toko tolu naʻe fakamatala ki ai ʻi he Senesi 18:2?
․․․․․
ʻOku anga-fēfē hoʻo sioloto atu ki he ngāue naʻe fakamatala ki ai ʻi he Senesi 18:6-8? (Manatuʻi naʻe ofi ʻa ʻĒpalahame ki hono taʻu 100 ʻi he taimi ko iá.)
․․․․․
FEKUMI LAHI ANGE.
Ko e hā e lahi ʻo e taimi naʻe fehopeʻaki ʻi he vahaʻa ʻo e taimi naʻe talaʻofa ai ʻe Sihova ha foha kia ʻĒpalahamé mo e taimi naʻe fāʻeleʻi ai ʻa ʻAisaké? (Toe lau ʻa e Senesi 12:4 mo e 21:5.)
․․․․․
Ko e hā ʻa e fakapapau naʻe ʻoange ʻe Sihova kia ʻĒpalahame ʻi he kotoa ʻo e vahaʻa taimi tatalí? (Lau ʻa e Senesi 12:7; 13:14-17; 15:1-5, 12-21; 17:1, 2, 7, 8, 15, 16.)
․․․․․
Ko e hā naʻe fai ʻe Sihova kia ʻĒpalahame ʻi he taimi naʻá ne fakahaaʻi ai ha veiveiua fekauʻaki mo hono maʻu ʻo ha fohá? (Toe lau ʻa e Senesi 15:3-5, 12-21.)
․․․․․
Naʻe anga-fēfē hono fakahaaʻi māmālie ʻe Sihova ʻa e ngaahi fakaikiiki fekauʻaki mo e “hako”?
․․․․․
NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .
Fiemaʻu ʻa e tui ki he ngaahi talaʻofa ʻa e ʻOtuá.
․․․․․
Founga ʻo hono fakahaaʻi māmālie ʻe Sihova ʻa hono finangaló.
․․․․․
KO E HĀ E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?
․․․․․