Maʻá e Toʻutupú

Loto-Toʻa ʻa ha Talavou

Ngaahi Fakahinohino: Fai ʻa e lau Tohi Tapu ko ení ʻi he ngaahi feituʻu lōngonoa. ʻI hoʻo lau ʻa e ngaahi konga Tohi Tapú, fakaʻuta atu ʻokú ke kau ʻi he meʻa ʻoku hokó. Sioloto atu ki he tuʻungá. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻa e faʻahinga tefitó. ʻAi ke hangē pē ʻoku hoko moʻoni ʻa e fakamatalá.

ʻANALAISO ʻA E TUʻUNGÁ.—LAU ʻA E 1 SAMIUELA 17:1-11, 26, 32-51.

Fakamatalaʻi ʻa e fōtunga mo e leʻo ʻo Kolaiaté ʻi hoʻo sioloto atu ki aí.

․․․․․

Neongo naʻe ʻikai kau ʻa Tēvita ʻi he kau tau ʻIsilelí, ko e hā naʻá ne ueʻi ia ke ne kau ʻi ha tau mo Kolaiaté? (Sio ki he veesi 26.)

․․․․․

Ko e hā e ʻuhinga naʻe maʻu ʻe Tēvita ke tui ai ʻe tokoniʻi ia ʻe Sihová? (Toe lau ʻa e veesi 34-37.)

․․․․․

FEKUMI LAHI ANGE.

ʻI hono ngāueʻaki ʻa e meʻangāue fekumi ʻokú ke maʻú, feinga ke fakapapauʻi e

(1) Māʻolunga ʻo Kolaiate. (1 Samiuela 17:4)

Kiupite ʻe ono mo e hanga ʻe taha = ․․․․․.

(2) Mamafa ʻo e kofu tau ʻo Kolaiate. (1 Samiuela 17:5)

Sikeli palasa ʻe 5,000 = ․․․․․.

(3) Mamafa ʻo e mataʻi tao ʻa Kolaiaté. (1 Samiuela 17:7)

Sikeli ʻaione ʻe 600 = ․․․․․.

NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .

Loto-toʻa.

․․․․․

Falala kia Sihova kae ʻikai ki ho mālohi ʻoʻoú.

․․․․․

KI HA NGĀUE LAHI ANGE.

Ko e hā ʻa e ngaahi fakafaingataʻaʻiaʻanga hangē ko Kolaiaté ʻoku hā ngali faingataʻa ke ke ikuʻi?

․․․․․

Ko e hā ʻa e ngaahi hokosia (ʻaʻau pe ko e niʻihi kehé) ʻoku fakatuipauʻi atu ai heʻikai liʻaki koe ʻe Sihova?

․․․․․

KO E HĀ ʻA E MEʻA FEKAUʻAKI MO E FAKAMATALA KO ENÍ ʻOKU MAHUʻINGA TAHA KIA KOÉ, PEA KO E HĀ HONO ʻUHINGÁ?

․․․․․