Puha Fehuʻi

◼ Ko e hā ʻoku totonu ke fai ʻe he sēkelitalí ʻo ka hiki mai ha tāimuʻa tuʻumaʻu mei ha fakatahaʻanga kehe?

ʻOku totonu ke fakahā ʻe he sēkelitalí ki he Sōsaietí, ʻo ngāueʻaki ʻa e konga ʻi he tuʻa kaati ko e Congregation Report (S-1). ʻOku totonu ke ne fetuʻutaki leva ki he sēkelitali ʻo e fakatahaʻanga naʻe haʻu mei ai ʻa e tāimuʻá ʻo kole ʻa e ngaahi kaati kotoa pē ʻo e Congregation’s Publisher Record (S-21) mei heʻenau failé pea pehē ki ha tohi fakafeʻiloaki ʻa e tāimuʻá mei he Kōmiti Ngāue ʻa e Fakatahaʻanga ko iá.

ʻI ha hiki ʻa ha tāimuʻa ʻoku liliu lahi ai ʻa hono ngaahi tuʻungá, ʻokú ne faʻa faingataʻaʻia ʻi he feinga ke maau mo fokotuʻutuʻu lelei ʻa ʻene ngāué. ʻOku houngaʻia lahi ʻaupito ha tāimuʻa ʻi he tokoni ʻofa ʻa e kau mātuʻá kiate ia koeʻuhi ke siʻisiʻi ange ai ʻa e ngaahi palōpalema ʻe malava ke hoko ʻi heʻene hiki ki ha fakatahaʻanga foʻou.

Fakamanatu: ʻOku ʻomai ʻe he Sōsaietí ha fetongi ʻo e ngaahi kaati Pioneer Service Identification (S-202) ki he kau tāimuʻa ʻoku nau hiki ki ha fakatahaʻanga ʻi hotau feituʻú pe mei ha feituʻu ʻoku tokangaʻi ʻe ha vaʻa ʻe taha, kuo mole ʻa ʻenau kaatí, kuo liliu ʻa honau hingoá koeʻuhi ko e mali pe vete mali, pe ngaahi meʻa pehē. Ko e sēkelitali ʻa e fakatahaʻangá pe ko e tāimuʻá ʻoku totonu ke tohi ki he Sōsaietí ʻo fakamatala ʻa e meʻa ʻoku hokó mo kole ha kaati foʻou. Kapau ʻoku malava, kātaki ʻo fakafoki ʻa e kaati motuʻá ʻi he tohi ko iá.