Puha Fehuʻi

◼ Ko hai ʻoku totonu ke ne maʻu ha kaati fakaʻilonga ki he fakataha-lahi fakavahé?

Ko e ngaahi kaati fakaʻilonga ki he fakataha-lahí ʻoku lava ke ʻaonga ʻaupito ia ki hono fakaʻilongaʻi hotau fanga tokouá pea ʻi hono tuʻuaki atu ʻa e fakataha-lahí. Kae kehe, ʻoku ʻikai totonu ke tufa tavale kinautolu. ʻOku nau fakaʻilongaʻi ʻa e tokotaha ʻokú ne tuí ʻokú ne ʻi ha tuʻunga lelei ʻi ha fakatahaʻanga tefito ʻa e Kau Fakamoʻoni ʻa Sihová.

Ko e kātí ʻoku ʻi ai ʻa e tafaʻaki ʻatā ai ki he hingoa ʻo e tokotahá pea pehē foki ki he hingoa ʻo e fakatahaʻangá. Ko ia ai, ʻe pau ke feohi ʻa e tokotahá ʻi he tuʻunga lahi feʻunga mo e fakatahaʻanga ʻoku haá. ʻOku ʻomai ʻe he Sōsaietí ha tokonaki ʻo e ngaahi kātí ki he fakatahaʻanga taki taha. ʻE feʻungamālie ke ʻoatu ha kaati ki he tokotaha malanga ʻosi papitaiso mo teʻeki ke papitaiso taki taha. Pehē foki, ko e fānau mo e niʻihi kehe ʻoku nau maʻu maʻu pē ʻa e ngaahi fakataha ʻa e fakatahaʻangá pea ʻoku nau fai ha fakalakalaka ke kau ki he ngāue fakafaifekaú te nau maʻu nai ha taha. ʻE ʻikai totonu ke ʻave ha kaati fakaʻilonga ki he fakataha-lahí ki ha tokotaha ʻoku tuʻusi.

ʻI he taimi ʻe ala maʻu ai ʻa e ngaahi kātí, ʻoku totonu ke sio ʻa e kau mātuʻá ʻoku tufaki kinautolu ʻo fakatatau ki he ngaahi fakahinohino ko ʻení.