Ako mei he Foʻi Vitiō ko e The Bible—Accurate History, Reliable Prophecy
ʻI he hili ʻa e mamata he foʻi vitiō ko ʻení, ʻe lava ke ke tali ʻa e ngaahi fehuʻi ko ʻení? (1) Ko hai ʻa e Matavai ʻo e fakamatala alafalalaʻanga ʻo e Tohitapú? (Tan. 2:28) (2) ʻOku anga-fēfē hono fakamatalaʻi totonu ʻe he Tohitapú ʻa ʻIsipite ʻo e kuonga muʻá, pea naʻe anga-fēfē ʻa e hoko moʻoni ʻa e kikite naʻe hiki ʻi he Aisea 19:3, 4? (3) Kuo anga-fēfē hono fakapapauʻi mai ʻe he kau keli fakatotoló ʻa e fakamatala ʻa e Tohitapú fekauʻaki mo e kau ʻAsīliá, ko honau ngaahi tuʻí, pea mo e ngataʻanga ʻo ʻAsīliá? (Neh. 3:1, 7, 13) (4) Ko e hā ʻa e ngaahi kikite ʻoku kaunga ki ai ʻa Pāpilone kuo fakamoʻoniʻi alafalalaʻangá? (5) Ko e hā naʻe fai ʻe Meto-Pēsia ki he kakai ʻa e ʻOtuá? (6) Naʻe anga-fēfē hono fakahoko ʻa e Taniela 8:5, 8, pea ko e hā hono fuoloa ki muʻa naʻe tomuʻa tala ai ʻení? (7) Naʻe anga-fēfē hono fakamoʻoniʻi ko Sīsū ʻa e Mīsaia moʻoní? (8) Ko fē ʻa e mafai fakapolitikale ʻi onopooni ʻokú ne fakahoko ʻa e ongo kikite ʻoku hā ʻi he Fakahā 13:11 mo e 17:11? (9) Ko e hā ʻa e ngaahi konga ʻi he foʻi vitioó ʻokú ne fakamoʻoniʻi ʻa e moʻoni ʻo e Koheleti 8:9? (10) ʻOku anga-fēfē hono fakaivimālohiʻi ʻe he fakamatala ko ʻení ʻa hoʻo tui ki he ngaahi talaʻofa ʻa e Tohitapú ki he kahaʻú? (11) ʻE lava fēfē ke ke ngāueʻaki ʻa e meʻangāue ko ʻení ke fakatuipauʻi ai ʻa e niʻihi kehé ko e Tohitapú ko e tupu mei he ʻOtuá?