The Bible—Accurate History, Reliable Prophecy

Ko e hā ʻa e fakamoʻoni ʻoku fakahaaʻi ai ko e Tohi Tapú ʻoku tonu fakahisitōlia? Ko e hā ʻa e ngaahi kikite Fakatohitapu kuo fakahoko ʻokú ne ʻomi ai kiate kitautolu ʻa e loto-falala ko e ngaahi kikite ki he kahaʻú ʻe pehē pē ʻene hoko ʻo moʻoní? Ko e ongo fehuʻi ko ení ʻoku lāulea ki ai ʻa e foʻi vitiō The Bible—Accurate History, Reliable Prophecy, ko e foʻi faiva ia hono tolu ʻoku maʻu ʻi he foʻi DVD The Bible—A Book of Fact and Prophecy. Hili hono mamataʻi ʻa e foʻi vitiō ko ení ʻe lava ke ke tali ʻa e ngaahi fehuʻi hokó?

(1) Ko hai ʻa e Matavai ʻo e fakamatala alafalalaʻanga ʻo e Tohi Tapú? (Tan. 2:28) (2) ʻOku anga-fēfē hono fakamatalaʻi totonu ʻe he Tohi Tapú ʻa ʻIsipite ʻo e kuonga muʻá, pea naʻe anga-fēfē ʻa e hoko moʻoni ʻa e kikite naʻe hiki ʻi he Aisea 19:3, 4? (3) Kuo anga-fēfē hono fakapapauʻi mai ʻe he kau keli fakatotoló ʻa e fakamatala ʻa e Tohi Tapú fekauʻaki mo e kau ʻAsīliá, ko honau ngaahi tuʻí, pea mo e ngataʻanga ʻo ʻAsīliá? (Nehu. 3:1, 7, 13) (4) Ko e hā ʻa e ngaahi kikite ʻoku fekauʻaki mo Pāpilone kuo fakamoʻoniʻi ʻoku alafalalaʻangá? (Sel. 20:4; 50:38; 51:30) (5) Ko e hā ʻa e kikite fekauʻaki mo Mītia-Pēsia naʻe hoko ʻo moʻoní? (Ai. 44:28) (6) Naʻe anga-fēfē hono fakahoko ʻo e Taniela 7:6 mo e 8:5, 8 fekauʻaki mo Kalisí? (7) Naʻe anga-fēfē hono fakahoko ʻa e Taniela 7:7 fakataha pea mo e ʻasi hake ʻa Loma ko e puleʻanga hau ʻo e māmaní? (8) Ko e ngaahi Sisa fē ʻoku lave ki ai ʻi he Tohi Tapú? (9) Ko e hā naʻe hoko ki he kau Kalisitiane ʻi he malumalu ʻo e pule ʻa Neló? (10) Naʻe anga-fēfē hono fakahoko ʻa e ngaahi kikite ʻoku maʻu ʻi he Fakahā 13:11 mo e 17:10? (11) Ko e hā ʻa e ʻiloʻanga ʻo e tuʻi hono valú? (12) Ko e fē ʻa e ngaahi konga ʻi he vitioó ʻokú ne fakamoʻoniʻi ʻa e moʻoni ʻo e Koheleti 8:9? (13) Ko e hā ʻa e ngaahi kikite ki he kahaʻú ʻokú ke tatali vēkeveke ki hono fakahokó? (14) ʻE lava fēfē ke ke ngāueʻaki ʻa e foʻi vitiō ko ení ke tokoni ki hono fakatuipauʻi ʻa e niʻihi kehé ko e Tohi Tapú ko ha tupuʻanga fakaʻotua?