Ngaahi Meʻa ke Manatuʻi ki he Fakamanatú

Ko e kātoanga Fakamanatu ki he taʻu ní ʻoku tō ia ʻi he Sāpate, ʻEpeleli 8. ʻOku totonu ki he kau mātuʻá ke nau fai ha tokanga ki he ngaahi meʻa ko ʻení:

◼ ʻI hono fokotuʻu ʻa e taimi ki he fakatahá, fakapapauʻi ʻe ʻikai ke tufa ʻa e maá mo e uainé kae ʻoua ke tō ʻa e laʻaá.

◼ ʻOku totonu ke fakahā ʻa e taimi mo e feituʻu totonu ki he kātoangá ki he tokotaha kotoa pē, ʻo kau ai ʻa e tokotaha malangá.

◼ ʻOku totonu ke maʻu mo ʻosi teuteu ʻa e faʻahinga mā mo e uaine ʻoku feʻungamālié.—Sio ki he Watchtower ʻo Fepueli 15, 1985, peesi 19.

◼ ʻOku totonu ke ʻomai tokamuʻa ʻo fokotuʻutuʻu ki he holó ʻa e ngaahi peletí, ngaahi ipu sioʻatá, ko ha tēpile mo ha meʻa ʻufiʻufi tēpile taau.

◼ ʻOku totonu ke fakamaʻa fakaʻāuliliki ki muʻa ʻa e Fale Fakatahaʻangá pe ko ha feituʻu kehe pē ʻe ngāueʻaki ki he fakatahá.

◼ Ko e kau fakanofonofó mo e kau tufá ʻoku totonu ke fili pea fakahinohinoʻi ki muʻa fekauʻaki pea mo honau ngaahi fatongiá mo e founga totonú.

◼ ʻOku totonu ke fai ha ngaahi fokotuʻutuʻu ke ngāue ki ha faʻahinga pē ʻo e kau paní ʻoku puke ʻo ʻikai malava ke ʻi aí.

◼ ʻI he taimi ʻoku fakataimitēpileʻi ai ha fakatahaʻanga lahi ange ʻi he tahá ke ngāueʻaki ʻa e Fale Fakatahaʻanga tatau, ʻoku totonu ke ʻi ai ʻa e fokotuʻutuʻu lelei ʻi he lotolotonga ʻo e ngaahi fakatahaʻangá koeʻuhi ke fakaʻehiʻehi mei he feʻefiʻefihi ʻoku ʻikai fiemaʻu ʻi he loki hūʻangá, matapā hūʻangá, hala ʻaluʻanga kakaí, mo e tauʻanga meʻalelé.