Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp. 15
“Tatau ai pē pe ʻoku nau nofo ʻi fē, ʻoku mahuʻingaʻia ʻa e kakaí ʻi he maluʻangá, hangē ko hano kumi pe maʻu ha ngāue lelei. Ka kuó ke fakakaukau ʻoku ʻi ai ha matavai ia ki he maluʻanga tuʻuloá, ʻo malava ai kiate koe ke ke malu ʻo taʻengata? [Lau ʻa e Sāme 16:8, 9.] ʻOku sivisiviʻi ʻe he ʻīsiu ko ʻeni ʻo e Taua Leʻo ʻa e feituʻu ʻe lava ke maʻu mei ai ʻa e maluʻanga moʻoní.”
Awake! ʻEp. 22
“Tokolahi he ʻahó ni ʻoku nau mavahe mei ha lotu kuo ʻosi fokotuʻú ke lotu ki he ʻOtuá ʻi he founga pē ʻa kinautolu. ʻOku fēfē ʻa hoʻo ongoʻi fekauʻaki mo e hehema ko iá? [Tuku ke ne tali.] ʻOku fakahaaʻi mai ʻe he Tohitapú ʻoku mahuʻinga moʻoni ki he ʻOtuá ʻa e founga ʻoku tau lotu ange ai kiate iá. [Lau ʻa e Sione 4:24.] ʻOku tala mai ʻe he ʻīsiu ko ʻeni ʻo e Awake! ʻa e founga lelei taha ke feau ai ʻa hoʻo ngaahi fiemaʻu fakalaumālié.”
Ko e Taua Leʻo Mē 1
“ʻOkú ke ʻilo ha taha ʻoku puke lahi pe ʻokú ne faingataʻaʻia mei ha taʻemalava fakaesino? ʻOku ʻikai ha veiveiua ʻokú ke loto-tatau ʻoku fiemaʻu ʻe he faʻahinga peheé ha fakalototoʻa. Ka ko e hā ʻe lava ke tau leaʻaki ke fakalototoʻaʻi ai kinautolú? ʻOku ʻomai ʻe he Tohitapú ha ngaahi lea ʻo e ʻamanakí. [Lau ʻa e Aisea 35:5, 6.] ʻOku fakamatalaʻi ʻe he ʻīsiu ko ʻeni ʻo e Taua Leʻo ʻa e ʻuhinga ʻoku lava ai ke tau fakapapauʻi ʻe hoko moʻoni ʻa e kikite ko ʻení.”
Awake! Mē 8
“ʻI he lolotonga ʻo e taʻu ko ʻeni kuo ʻosí, kuo fakamanamanaʻi ai ʻa e melinó ʻo ʻikai ha toe taimi ki muʻa ʻe tatau mo ia. ʻOkú ke fakakaukau ko e ngaahi mālohi ʻo e ngaahi puleʻanga fakaetangatá te nau lava ʻo fokotuʻu ʻa e melinó ki he māmaní? [Tuku ke ne tali, lau ʻa e Aisea 2:4.] ʻOku fakahaaʻi mai ʻe he ʻīsiu ko ʻeni ʻo e Awake! ʻa e ʻuhinga ʻe lava ke tau fakapapauʻi ai ko e melino ki he māmaní ʻe vavé ni ke hoko ko ha meʻa moʻoni.”