Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp. 15
“ʻOku ongoʻi ʻe he kakai ʻe niʻihi ko e meʻa kotoa pē ʻoku hoko ʻi he moʻuí, ʻo kau ai ʻa e ngaahi meʻa fakamamahí, ko e finangalo ia ʻo e ʻOtuá. Kuó ke fifili ʻi ha taimi ʻo fekauʻaki mo ia? [Tuku ke ne tali.] ʻOku ʻiloʻi ʻe he kakai tokolahi ʻa e lotu ko ení. [Lau ʻa e Mātiu 6:10e.] Ko e hā ʻa e finangalo ʻo e ʻOtuá ki he māmaní, pea ko fē ʻa e taimi ʻe fakahoko kakato ai iá? ʻOku ʻomai ʻe he makasini ko ení ʻa e tali mei he Tohi Tapú.”
ʻĀ Hake! ʻEp.-Sune
“ʻI he māmaní kotoa ʻoku faʻa ʻi ai ʻa e loto-ʻita ki hono totongi ʻo e ngaahi tukuhaú. ʻOkú ke fifili nai, ʻoku fakafatongiaʻi ʻa e kau Kalisitiané ke totongi ia? [Tuku ke ne tali.] Naʻe fai ʻe Sīsū Kalaisi ha fakamatala fekauʻaki mo e ngaahi tukuhaú. [Lau ʻa e Maake 12:17.] ʻOku fakamamafaʻi ʻe he makasini ko ení ʻa e ngaahi foʻi moʻoni mahuʻinga ki he kau Kalisitiané ke nau fakakaukau fekauʻaki mo ia.” [Tuhu ki he lāulea ʻa Sīsū ʻi he kaveingá ʻi he peesi 11.]
Ko e Taua Leʻo Mē 1
“ʻI ha feinga ke fakaleleiʻi ʻa e sōsaieti fakaetangatá, ʻoku hoko ai ʻa e kau taki lotu ʻe niʻihi ʻo kau ʻi he politikí. Kae kehe, fakatokangaʻi angé ʻa e meʻa naʻe fai ʻe Sīsū ʻi he taimi naʻe loto ai ʻa e kakaí ke fakanofo tuʻi iá. [Lau ʻa e Sione 6:15.] Naʻe tokangataha ʻa Sīsū ki he meʻa ʻa ia te ne ʻomai ʻa e lelei tuʻuloa ki he niʻihi kehé. ʻOku lāulea ʻa e makasini ko ení ki he meʻa ko iá.”
Awake! Mē 8
“ʻOku fehangahangai ʻa e kakai tokolahi mo e ngaahi tuʻunga faingataʻa ʻi he ngāué. ʻOku aʻu ʻo fakahohaʻasi ʻa e niʻihi ʻe he kaungāngāué. Naʻá ke ʻiloʻi ʻoku ʻi he Tohi Tapú ʻa e faleʻi ʻa ia ʻe lava ke ne tokoniʻi kitautolu ke fekuki ai mo e ngaahi faingataʻa peheé? [Tuku ke ne tali. Pea lau ʻa e Palovepi 15:1.] ʻOku ʻomai ʻi he makasini ko ení ʻa e ngaahi fokotuʻu ʻaonga ki he founga ke tauhi maʻu ai ʻa e melino mo e niʻihi kehe ʻi he ngāué.”