ʻUhinga ʻOku Tau ʻOfa Ai ʻi he Our Whole Association of Brothers
ʻI he māmani taʻeʻofa ʻo e ʻaho ní, ʻe lava fēfē ke kei vela ʻetau ʻofa lahi ki hotau fanga tokoua fakalaumālié? (1 Pita 2:17) ʻE lava fēfē ke tau fakahāhā ki he niʻihi kehé ʻoku ʻi ai moʻoni ʻa ʻetau fetokouaʻaki moʻoni ʻi māmani lahí? (Mt. 23:8) ʻI hono ngāueʻaki ʻa e foʻi vitiō Our Whole Association of Brothers. ʻOku fakahaaʻi ai ʻa e ngaahi ʻuhinga ʻoku tau feʻofaʻaki aí. Sio angé pe ʻe lava ke ke tali ʻa e ngaahi fehuʻi ko ení:
(1) Ko e hā ʻa e ngāue ʻe tolu ʻoku tau kau kotoa ki ai fakataha mo ʻetau fetokouaʻaki ʻi māmani lahí? (2) ʻOku anga-fēfē hono fakahāhā ʻe hotau fanga tokouá ʻenau fakapapauʻi ke malanga (a) ʻi he feituʻu maomaonganoa ʻo ʻAlasikaá, (e) ʻi he ngaahi taulanga lahi fau ʻo ʻIulopé, mo e (f) ngaahi vaotā fihi ʻo Peluú? (3) Ko e hā ha meʻangāue fakaefakamoʻoni ʻoku tautefito ʻa ʻene ola leleí? (4) Ko e hā ʻoku ʻikai ʻaupito totonu ai ke tau ongoʻi ko e malangá ko ha ngāue anga-maheni pē iá? (5) ʻOmai ha ngaahi fakatātā ki he anga ʻo e fefakafiemālieʻaki mo e fepoupouʻaki ʻa e Kau Fakamoʻoni ʻa Sihová ʻi he ngaahi taimi ʻo e faingataʻá—ʻi he ngaahi mofuiké, ngaahi afaá, mo e ngaahi tau fakalotofonuá. (Sio ki he fakamatala ʻa Takao ʻi he peesi 23 ʻo e Awake! ʻo ʻAokosi 22, 1995, pea mo Kotoyo ʻi he peesi 20 ʻo e Awake! ʻo ʻOkatopa 22, 1996.) (6) Ko e hā ʻa e ngaahi founga ʻaonga ʻe lava ai ʻe kitautolu kotoa ʻo fakahāhā ʻa e fakaʻilonga tuʻu-ki-muʻa ʻo ʻetau fetokouaʻaki faka-Kalisitiané? (Sione 13:35) (7) ʻOku totonu ke lahi fēfē ʻetau fakamahuʻingaʻi ʻetau ngaahi fakataha fakaefakatahaʻangá? (8) ʻOku anga-fēfē ʻa e ueʻi ʻi hono maʻu ha Fale Fakatahaʻanga ke fakataha aí ʻa e faʻahinga ne ʻikai te nau maʻu ki muʻa ha Fale Fakatahaʻangá? (9) Naʻe anga-fēfē ʻa e moʻui ʻi he tuʻunga fakalaumālié ʻa hotau fanga tokoua ʻi ʻIulope Hahake mo Lūsiá ʻi he taimi naʻe ʻi he malumalu ai ʻo e tapuí? (10) Naʻa mo e taimí ni, ko e hā ʻa e feinga makehe ʻoku fai ʻe he Kau Fakamoʻoni tokolahi ke maʻu ai ʻa e ngaahi fakataha-lahí, pea ko e hā hono ʻuhingá? Kuo anga-fēfē hono laveʻi ho lotó ʻe he meʻá ni? (11) Ko e hā ʻokú ke fakapapauʻi ai ke lotu fakataha ʻi he fāʻūtahá, ke tokoniʻi ʻa e niʻihi kehé ʻi he ngaahi taimi ʻo e faingataʻá, pea ke malanga faitōnunga ʻi ha taimi mo ha founga pē te ke lava aí? (12) Ko e hā ʻe lelei ai ke maʻu ha tatau fakafoʻituitui ʻo e foʻi vitiō ko ení pea fakahāhā ia ki he kakai mahuʻingaʻia tokolahi taha ʻe ala lavá?