Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mas. 15
“Te mau saiʻia ke fakaafeʻi koe ki he fakamanatu ʻo e Kai Efiafi ʻa e ʻEikí ʻi he Sāpate ʻaho 4 ʻo ʻEpelelí. [Fakamatala ʻo ngāueʻaki ʻa e takafi ʻi mui ʻo e makasiní pe tohi fakaafe Fakamanatu kuo pulusí. Lau leva ʻa e Luke 22:19.] Ko e ngaahi kupu kamata ʻi he ʻīsiu ko eni ʻo e Taua Leʻo ʻoku lāulea ai ki he ʻuhinga ʻo e meʻa ko eni ne hokó pea mo e founga ʻo hono kātoangaʻí.”
Awake! Mas. 22
Hili e lave ki ha meʻa fakamamahi naʻe hoko ʻa ia ʻoku ʻi he ʻatamai ʻo e kakaí, ʻeke ange: “Kuó ke fifili nai ʻi ha taimi ki he ʻuhinga ʻoku fakaʻatā ai ʻe he ʻOtuá ke hoko ʻa e ngaahi meʻa peheé? [Tuku ke ne tali. Lau leva ʻa e Semisi 1:13.] Ko e kupú ni, ʻa ia ʻoku tohi tautefito ki he toʻutupú, ʻoku fakamatala ai ki he ʻuhinga ʻoku teʻeki ke kau mai ai ʻa hotau Tokotaha-Fakatupu ʻofá ke fakangata ʻa e faingataʻaʻia ʻa e tangatá.”
Ko e Taua Leʻo ʻEp. 1
Kuo fakatupunga ʻe he ngaahi kupu siʻi ʻa e fakamahalo lahi, ʻo hangē ko ia ko e fakamatala fakamisiteli ʻa e Tohi Tapú ʻo fekauʻaki mo e fakaʻilonga ʻo e manu fekaí. Kuó ke fanongo nai ai? [Tuku ke ne tali. Lau leva ʻa e Fakahā 13:16-18.] ʻOku tokonaki mai ʻe he Tohi Tapú tonu ʻa e ngaahi kī ki hono vete ʻa e ʻuhinga ʻo e misitelí ni. ʻOku fakamatalaʻi ʻe he makasini ko ení pe ko e hā ia.”
Awake! ʻEp. 8
“ʻOku alāanga ʻa e tokolahi taha ʻo e kakaí mo e talanoa ki he moʻui ʻa Mōsesé. Ka naʻá ke ʻiloʻi naʻe leaʻaki ʻe Mōsese ʻa e meʻa ʻa ia ʻoku kaunga ki heʻetau moʻui he ʻaho ní? [Tuku ke ne tali. Lau leva ʻa e Teutalonome 18:15.] Ko e ʻīsiu ko eni ʻo e Awake! ʻoku lāulea ai ki he palōfita ko ia naʻe tomuʻa talá pea mo e meʻa te ne fai maʻá e lelei ʻa e faʻahinga ʻo e tangatá.”