Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siu. 15
“Kapau ʻe līpooti ha meʻa hangē ko ení [meʻa ʻoku fakatātaaʻi i he takafí] ʻi he ongoongó he ngaahi ʻahó ni, ʻoku ngalingali ko e tokolahi ʻo e kakaí te nau tuingataʻa. Ko e hā hoʻo fakakaukaú? [Tuku ke ne tali. Pea lau leva ʻa e Maake 4:39.] Ko e hā ʻa e fakamoʻoni ko e ngaahi mana naʻe fakahoko ʻe Sīsuú naʻe hoko moʻoni? Ko e ʻīsiu ko eni ʻo e Taua Leʻo ʻoku sivisiviʻi ai ʻa e fehuʻi ko ení.”
ʻĀ Hake! Siu.–Sep.
Hili ʻa e lave ki ha meʻa fakamamahi naʻe hoko ʻa ia ʻoku ʻi he fakakaukau ʻa e kakaí, ʻeke ange: “Kuó ke fifili ʻi ha taimi ki he ʻuhinga ʻoku fakaʻatā ai ʻe he ʻOtuá ke hoko ʻa e ngaahi meʻa peheé? [Tuku ke ne tali. Lau leva ʻa e Semisi 1:13.] Ko e kupu ko ení, ʻa ia ʻoku hiki tautefito ki he toʻutupú, ʻoku fakamatala ai ki he ʻuhinga kuo teʻeki ai ke kau mai ai ʻa hotau Tokotaha-Fakatupu ʻofá ke fakangata ʻa e faingataʻaʻia ʻa e tangatá.”
Ko e Taua Leʻo ʻAo. 1
“ʻI he mātuʻaki māvahevahe ʻa e faʻahinga ʻo e tangatá, ʻoku ongoʻi ai ʻe he niʻihi ko e founga pē taha ke maʻu ai ʻa e melino ʻi he māmaní ko ha founga-pule fakaemāmani lahi. ʻOkú ke fakakaukau ʻe malava ha meʻa pehē? [Tuku ke ne tali. Lau leva ʻa e Taniela 2:44.] ʻOku lāulea ʻa e makasini ko ení ki he meʻa ʻoku fakahoko he taimí ni ʻe he Puleʻanga ʻo e ʻOtuá mo e founga ʻe vavé ni ai ke ne ʻomai ʻa e melino ki he māmaní.”
Awake! ʻAo. 8
“Ko kitautolu kotoa ʻoku tau loto-mamahi ʻi heʻetau fanongo ki hono ngāuekākāʻaki ʻa e fānaú. Mahalo pē kuó ke fifili, ‘ʻOku tokanga moʻoni mai ʻa e ʻOtuá?’ [Tuku ke ne tali. Lau leva ʻa e Sāme 72:12-14.] ʻOku lāulea ʻa e kupú ni ki he anga ʻo e ongoʻi ʻa e ʻOtuá fekauʻaki mo e fānaú pea mo e founga kuo vavé ni ke ne ʻomai ai ʻa e fakaleleiʻanga tuʻuloa ki he faʻahinga kotoa ʻoku nau tofanga ʻi he ngaohikoviá.”