Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siu. 15
“Ko e mate ʻa ha faʻahinga ʻofeina ʻe lava ke fakatupu loto-mamahi lahi. ʻOkú ke fakakaukau ʻoku moʻui atu pē ha konga ʻia kinautolu? [Tuku ke ne tali.] Naʻe ʻomai ʻe Sīsū ʻa e talaʻofa fakalototoʻa ko ʻení. [Lau ʻa e Sione 5:28, 29.] Koeʻuhi naʻe pehē ʻe Sīsū ‘ʻoku ʻunu mai’ ha toetuʻu, ʻoku fakamatalaʻi ʻe he makasini ko ʻení mei he Tohi Tapú ʻa e feituʻu ʻoku lolotonga ʻi ai ʻa e kau maté.”
Awake! Siu.
“Ko e kakai tokolahi ʻoku nau moʻui ʻi he founga lelei taha ʻe ala lavá pea fakakaukau ʻoku mahuʻinga ke te hoko ko ha tokotaha lelei. Ko e anga ia hoʻo fakakaukau ki he moʻuí? [Tuku ke ne tali.] Fakatokangaʻi ʻa e fakatuʻutāmaki kapau ko ʻetau fakaʻuhingaʻi ʻa e meʻa ʻoku leleí ʻoku kehe ia mei he ʻOtuá. [Lau ʻa e Palovepi 14:12.] ʻOku fakamatalaʻi ʻe he kupu ko ʻení ʻa e ʻuhinga ʻo e hoko ko ha tokotaha lelei ʻi he vakai mai ʻa e ʻOtuá.” Fakaʻaliʻali ʻa e kupu ʻoku kamata ʻi he peesi 20.
Ko e Taua Leʻo ʻAo. 1
“ʻOku ou fieʻilo ki he anga hoʻo fakakaukau ki ha meʻa naʻe leaʻaki ʻe Sīsū. [Lau ʻa e Mātiu 5:3.] ʻOkú ke fakakaukau ʻoku mahuʻinga ʻa e tuʻunga fakalaumālié ki he fiefiá? [Tuku ke ne tali.] ʻOku fakahaaʻi mai ʻe he makasini ko ʻení ʻa e lau ʻa e Tohi Tapú fekauʻaki mo e tuʻunga fakalaumālie moʻoní pea mo e founga ʻe malava ke tau maʻu ai iá.”
Awake! ʻAo.
“ʻOkú ke fakakaukau ko fē ʻe lava ke maʻu mei ai ʻe he ngaahi mātuʻá ha faleʻi ʻe tokoni moʻoni kia kinautolú? [Tuku ke ne tali.] Fakatokangaʻi ʻa e talaʻofa ko eni ʻoku ʻi he Tohi Tapú. [Lau ʻa e 2 Timote 3:16.] ʻOku fakahaaʻi ʻe he makasini ko ʻení ʻa e ʻaonga moʻoni ʻa e Tohi Tapú ʻi hono tokoniʻi ʻa e ngaahi mātuʻá ke nau tauhi hake ha fānau fiefia.”