Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻAo. 15
“Ko e hā hoʻo fakakaukau ki he meʻa naʻe leaʻaki ʻe Sīsū ʻi he konga Tohi Tapu ko ʻení? [Lau ʻa e Mātiu 5:5.] ʻI he hoko moʻoni ʻa e talaʻofa ko ʻení, ʻokú ke fakakaukau ʻe kei ʻi he māmaní ʻa e ngaahi tuʻunga ʻoku ʻi ai he taimi ní? [Tuku ke ne tali.] ʻOku fakahaaʻi ʻe he makasini ko ʻení mei he Tohi Tapú ʻa e founga ʻe liliu ai ʻe Sīsuú ʻa e māmaní. ʻOku toe fakamatalaʻi ai ʻa e faʻahinga te nau maʻu ʻa e māmaní.”
Awake! ʻAo.
“ʻOkú ke fakakaukau te tau toe sio ki he faʻahinga naʻa tau ʻofa ai kuo nau maté? [Tuku ke ne tali.] Fakatokangaʻi ʻa e talaʻofa ʻa Sīsū fekauʻaki mo e kau maté. [Lau ʻa e Sione 5:28, 29.] ʻOku fakamatalaʻi ʻe he kupu ko ʻení mei he Tohi Tapú ʻa e meʻa ʻoku hoko ʻi heʻetau maté.” Fakaʻaliʻali ʻa e kupu ʻa ia ʻoku kamata ʻi he peesi 28.
Ko e Taua Leʻo Sep. 1
“Ko e tokolahi ʻo e kakai he ʻaho ní ʻoku ʻikai te nau loko mahuʻingaʻia ʻi he lotú. ʻOkú ke fakakaukau ko e maʻu lotu maʻu peé ʻoku ʻai ai ha tokotaha ke ne hoko ʻo lelei ange? [Tuku ke ne tali.] Fakatokangaʻi ʻa e meʻa naʻe tomuʻa tala ʻe he Tohi Tapú ʻe fiemaʻu ʻe he kakai ʻe niʻihi mei he lotú he lolotonga ʻo e ngaahi ʻaho fakaʻosí. [Lau ʻa e 2 Timote 4:3, 4.] ʻOku fakamatalaʻi ʻe he makasini ko ʻení ʻa e founga ʻoku fakalāngilangiʻi ai ʻe he lotu moʻoní ʻa e ʻOtuá pea te tau maʻu ʻaonga ai.”
Awake! Sep.
“ʻOku fifili ʻa e kakai tokolahi pe ʻoku fakasaienisi ke tui ki he ʻOtuá. Ko e hā hoʻo fakakaukaú? [Tuku ke ne tali. Pea lau leva ʻa e Hepelu 3:4.] ʻOku sivisiviʻi ʻe he ʻīsiu makehe ko ʻeni ʻo e Awake! ʻa e fakamoʻoni ko ia ʻoku fakatupunga ai ʻa e kau saienisi ʻe niʻihi ke nau tui ki he Tokotaha-Fakatupú.”