Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻAo. 15
“ʻOku ou fiemaʻu hoʻo fakakaukaú ʻi he meʻa ʻoku leaʻaki hení. [Lau ʻa e Hepelu 3:4.] ʻOkú ke loto-tatau naʻe ʻi ai ha Tokotaha-Tisaini poto ʻaupito ʻo e ʻunivēsí? [Tuku ke ne tali.] ʻOku fakatotoloʻi ʻe he makasini ko ʻení pe ʻoku fehoanaki ʻa e tui ki ha Tokotaha-Tisainí pea mo e saienisi moʻoní.”
Awake! ʻAo.
ʻI haʻo fetaulaki mo ha tokotaha kei siʻi, te ke pehē nai: “Ko e tokolahi ho toʻú kuo fakalotomamahiʻi kinautolu ʻe ha lau kovi. Kuo hoko ia kiate koe? [Tuku ke ne tali.] ʻOku ʻomai ʻe he Tohi Tapú ʻa e faleʻi lelei ʻe lava ke tokoniʻi ai kitautolu kapau ʻoku lauʻi kitautolu. ʻOkú ne toe fakahaaʻi mai ʻa e founga ʻe malava ke tau fakamamaʻo tonu ai mei hono fai ha lau fakatupu maumaú.” Fakaeʻa ʻa e kupu ʻoku kamata ʻi he peesi 12, pea lau ha taha ʻo e ngaahi konga Tohi Tapu mei he kupú.
Ko e Taua Leʻo Sep. 1
“ʻOku fakakaukau ʻa e tokolahi ʻoku tokonaki mai ʻe he ‘Fuakava Motuʻá’ ʻa e fakamatala fakahisitōlia ʻaonga. Ka ʻoku nau fifili pe ʻoku kei ʻaonga ki he ʻahó ni ʻa ʻene ngaahi tatakí. Ko e hā hoʻo fakakaukaú? [Tuku ke ne tali. Pea lau ʻa e Loma 15:4.] ʻOku fakahaaʻi mai ʻe he makasini ko ʻení ʻa e founga ʻoku tokonaki mai ai ʻe he ‘Fuakava Motuʻá’ ʻa e faleʻi ʻaonga ki he moʻui fakaʻahó pea mo e ʻamanaki moʻoni ki he kahaʻú.”
Awake! Sep.
“ʻOkú ke fakakaukau ko e ngaahi fakatamaki fakanatulá ko e ngaahi ngāue ia ʻa e ʻOtuá? [Tuku ke ne tali. Pea lau ʻa e Teutalonome 32:4.] ʻOku fakatotoloʻi ʻe he makasini ko ʻení ʻa e ʻuhinga kuo fakaʻatā ai ʻe he ʻOtuá ʻa e ngaahi fakatamaki fakanatulá ke hokó. ʻOkú ne toe fakaeʻa mai ʻa e founga ke ke maluʻi ai ho fāmilí.”