Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻAo. 15
“ʻOku fakamahuʻingaʻi ʻe he tokolahi taha ʻo e kakaí ha ongoongo ʻoku lelei. ʻOku aʻu ʻo fifili ʻa e niʻihi ki he founga ʻe manatua ai kinautolu hili ʻenau maté. Kuó ke fakakaukau ʻi ha taimi fekauʻaki mo ia? [Tuku ke ne tali. Lau leva ʻa e Koheleti 7:1.] ʻOku lāulea ʻa e Taua Leʻo ki he founga ʻe lava ke tau maʻu ai ha hingoa lelei fakatouʻosi ki he tangatá pea mo e ʻOtuá.”
Awake! ʻAo. 22
“Kapau ko koe pe ko ha mēmipa ʻo ho fāmilí kuo fetaulaki ʻi ha taimi mo e houtamakí, ʻokú ke ʻiloʻi ʻa e lava ke hoko ʻo fakalotomamahi ʻa e meʻa ko iá. [Tuku ke ne tali.] Ko e ʻīsiu ko eni ʻo e Awake! ʻoku ʻomai ai ʻa e ngaahi fokotuʻu ʻaonga ki he faʻahinga ʻoku maʻukovia ʻi he houtamakí. ʻOku toe lāulea ai ki he palōmesi ʻa e ʻOtuá fekauʻaki mo ha taimi ʻa ia ʻe ʻatā fakaʻaufuli ai ʻa e moʻuí mei he ngaahi palopalema peheé.” Lau ʻa e Maika 4:4.
Ko e Taua Leʻo Sep. 1
“ʻOku ongoʻi ʻe he kakai tokolahi ko e ngaahi lotu kehekehe ʻa e faʻahinga ʻo e tangatá ko e ngaahi hala kehekehe pē ʻoku fakatau ki he taumuʻa tatau. ʻOku tui ʻa e niʻihi kehe ʻoku ʻi ai ʻa e lotu moʻoni pē ʻe taha. Kuó ke fifili ʻi ha taimi fekauʻaki mo eni? [Tuku ke ne tali.] ʻOku sivisiviʻi ʻe he makasini ko ení ha pealapeli motuʻa ʻa ia ʻokú ne ʻomai ʻa e fakamaama ki he fehuʻi ko ení.” Fakahanga ʻa e tokangá ki he Mātiu 13:24-30.
Awake! Sep. 8
“Ko e ngaahi ākenga sitailá ʻokú ne tākiekina mālohi ʻa e moʻui ʻa e kakai tokolahi ʻi he ʻahó ni. ʻOku ongoʻi ʻe he niʻihi ʻoku fai ʻa e fakamamafa tōtuʻa ki he meʻa ʻoku tui ʻe he kakaí mo e anga ʻo ʻenau haá. Ko e hā hoʻo fakakaukaú? [Tuku ke ne tali.] ʻOku ʻomai ʻe he Awake! ha vakai palanisi ki he sitailá.” Lau ʻa e Kolose 3:12.