Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻAo. 15
“ʻI he ʻahó ni, ʻoku kumi faleʻi ʻa e kakaí mei he ngaahi matavai lahi fekauʻaki mo e nofo malí pea mo hono ʻohake ʻo e fānaú. ʻOkú ke fakakaukau ʻe lava ke maʻu mei fē ʻa e akonaki lelei tahá? [Tuku ke ne tali.] ʻOku fakamatalaʻi ʻe he ʻīsiu ko ʻeni ʻo e Taua Leʻo ha niʻihi ʻo e akonaki fakapotopoto ki he moʻui fakafāmilí ʻa ē kuo tokonaki ʻe he Tokotaha-Fakatupu ʻo e faʻahinga ʻo e tangatá.” Lau ʻa e Sāme 32:8.
Awake! ʻAo. 22
“ʻOkú ke fakakaukau ʻoku mahuʻinga fēfē ki he ngaahi tamaí ke ʻi ai haʻanau kaunga ki he moʻui ʻa ʻenau fānaú? [Tuku ke ne tali.] ʻOku fakamatalaʻi ʻe he ʻīsiu ko ʻeni ʻo e Awake! ʻa e palopalema lahi ʻo e ʻikai ke ʻi ai ʻa e ngaahi tamaí. ʻOku toe fakamatala ai ki he founga ʻe lava ʻe he ngaahi tamaí ke ʻi ai haʻanau kaunga tonu ki heʻenau fānaú.” Lau ʻa e Palovepi 13:1.
Ko e Taua Leʻo Sep. 1
“ʻOku tau fiemaʻu kotoa ke hoko ʻo fiefia. ʻOkú ke fakakaukau ko e ngaahi meʻa ʻoku lave ki ai hení ʻe lava ke ne ʻomai moʻoni ha fiefia? [Lau ʻa e Mātiu 5:4a, 6a, 10a. Pea tuku ke ne tali.] ʻOku fakamatalaʻi ʻe he makasini ko ʻení ʻa e ʻuhinga ʻo e ngaahi lea ko iá mei he Malanga ʻiloa he Moʻungá pea lāulea ai ki ha toe meʻa kehe ke hoko ai ʻo fiefiá.”
Awake! Sep. 8
“ʻOku fakafuofua ko e kakai ʻe toko 1 mei he toko 4 ʻe faingataʻaʻia ʻi he puke fakaʻatamai ʻi ha taimi ʻi heʻenau moʻuí. Ko e tokolahi ʻo kitautolu ʻoku tau ʻilo ha taha ʻoku faingataʻaʻia. [Fakaava hake ki he kupú.] ʻOku ʻomai ʻe he kupu ko ʻení ha ngaahi fokotuʻu ʻaonga ki he meʻa ʻe lava ke tau fai kapau ʻoku puke pehē ha taha ʻoku tau ʻofa ai.”