Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siu.-Sep.
“ʻOkú ke tui ko e talangofua ki he fekau ko eni ʻa Sīsuú ʻe fakalahi ai ʻa e fiefia ʻi he fāmilí? [Lau ʻa e Sione 13:34. Tuku ke ne tali.] ʻOku fakahaaʻi ʻi he kupú ni ʻa e anga hono ngāueʻaki ʻa e ngaahi akonaki mo e faʻifaʻitakiʻanga ʻa Sīsuú ki he mēmipa taki taha ʻo e fāmilí.” Fakaʻaliʻali ʻa e kupu ʻi he peesi 24 mo e 25.
ʻĀ Hake! Siu.-Sep.
“ʻI ha māmani ʻa ia ʻoku fakaʻaʻau ki he kovi ange ai ʻa e fakamālohí mo e kaihaʻá, ʻoku tau fifili nai ai pe ʻoku fakatonuhiaʻi ʻa e maluʻi-kitá. Ko ha kupu ʻoku kamata ʻi he peesi 11, ʻoku ʻomai ai ʻa e anga ʻo e vakai ki ai ʻa e ʻOtuá.” (Fakahaaʻi ʻa e kupú pea lau ʻa e Loma 12:18 mei he Tohi Tapú.)
Ko e Taua Leʻo Siu.-Sep.
“Ko e tokolahi taha ʻo e kakaí ʻoku nau maheni mo e ngaahi lea ʻa Sīsū ʻi he Mātiu 6:9. [Lau.] Neongo ia, ʻoku ʻilo ʻe he tokolahi ʻoku faingataʻa ke ongoʻi ofi ki he ʻOtuá ʻi he tuʻunga ko ha Tamai. ʻOkú ke pehē ʻe lava fēfē ke tau ʻunuʻunu ofi ki he ʻOtuá? [Tuku ke ne tali.] ʻOku lāulea ʻa e makasini ko ení ki he ngaahi ʻulungāanga kehekehe ʻo ʻetau Tamai fakahēvaní mo e founga ʻe lava ke tau ʻiloʻi moʻoni ai iá.”
ʻĀ Haké Siu.-Sep.
“Ko e liliu mei he tuʻunga talavoú ki he tuʻunga ko e tokotaha lahí ʻoku ʻikai ke hoko vave ia. ʻOku ongoʻi ʻe he kau talavoú he taimi ʻe niʻihi ʻoku fuʻu fakataputapui ʻa e ongo mātuʻá. ʻE lava fēfē ke fakatou aʻu ʻa e ongo mātuʻá mo e kau talavoú ki ha tuʻunga mafamafatatau fakafiefia? Ko e kupu ʻoku kamata ʻi he peesi 20 ʻoku ʻomai ai ʻa e ngaahi hokosia moʻoni ʻi he moʻuí ʻi he founga ʻe lava ke maʻu ai ʻa e falalá.”