Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻAo. 15
“Ko e hā ʻokú ke fakakaukau ko e founga māʻolunga taha ia ʻo e mateakí? [Tuku ke ne tali.] ʻOku fakamamafaʻi ʻe he kupu ko ení ʻa e mateaki ki he ʻOtua moʻoní. [Tuhu ki he peesi 5, pea lau ʻa e 2 Samiuela 22:26.] Naʻá ke ʻiloʻi ko e mateaki ki he ʻOtuá ʻe lava ke ne taʻofi ʻa e kakaí mei he tōʻongafai taʻeʻofa ki he niʻihi kehé? ʻOku ou ʻiloʻi te ke fiefia ʻi he lautohi fekauʻaki mo iá.”
Awake! ʻAo. 22
“Kuó ke hohaʻa ʻi ha taimi ʻi he ʻikai mapuleʻi ʻa e palopalema ʻa e faʻahinga ʻo e tangatá fekauʻaki mo e ʻuliʻi ʻo e ʻātakaí? [Tuku ke ne tali.] Ko ha tupuʻanga tefito ʻo e palopalemá ko e maumau meʻá. Naʻe akoʻi ʻe Sīsū ʻa hono kau muimuí ke ʻoua te nau maumau meʻa. [Lau ʻa e Sione 6:12.] ʻOku fakahaaʻi ʻe he makasini ko ení ʻa e founga ʻe lava ke tokoniʻi ai ʻe he muimui ʻi he ngaahi tefitoʻi moʻoni faka-Tohitapú ʻa e ngaahi fāmilí ke nau fakaʻehiʻehi mei he tuʻunga fakakaukau liʻaki meʻá.”
Ko e Taua Leʻo Sep. 1
“Kuó ke fakatokangaʻi ʻi he ngaahi feituʻu lahi ʻoku ʻikai ke feʻilongaki ai ʻa e ngaahi kaungāʻapí ʻi he founga naʻa nau anga ki aí? [Tuku ke ne tali.] Naʻe fakamatalaʻi ʻe Sīsū ha tefitoʻi moʻoni ʻa ia ko ha kī ia ki he hoko ko ha kaungāʻapi leleí. [Lau ʻa e Mātiu 7:12.] ʻOku fakahaaʻi ʻe he ngaahi kupu ko ení ʻa e founga ʻe lava ke tau hoko ai ko e ngaahi kaungāʻapi leleí pea fakalototoʻaʻi ai ʻa e niʻihi kehé ke nau fai ʻa e meʻa tatau.”
Awake! Sep. 8
“Ki he tokolahi ʻi he ʻahó ni, ʻoku fonu ʻa e moʻuí ʻi he veiveiuá. [Lau ʻa e Koheleti 9:11.] ʻE lava ke maʻu mei fē ʻa e tataki alafalalaʻangá? [Tuku ke ne tali.] ʻOku hanga ʻa e niʻihi ki he meʻa fakamēsikí. Ko e ngaahi founga eni ʻa ia ʻe lava ke fakaeʻa ai ho ikuʻangá? Ko fē ʻe lava ke ke maʻu ai ha fakamatala alafalalaʻanga fekauʻaki mo e kahaʻú? ʻOku ʻomai ʻe he Awake! ʻa e talí.”