Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp.-Sun.
“ʻOku tau palani tokamuʻa kotoa ki hotau kahaʻú. ʻOku fakamatalaʻi lelei ʻaupito ʻe he Tohi Tapú ʻa e kahaʻú.” (Fili ha konga Tohi Tapu ʻe taha mei he peesi 8, 9 pea lau mei he Tohi Tapú.) Pea fakahā ange leva ki he tokotaha-ʻapí ʻa e kupu ʻoku fakahaaʻi ai ʻoku ʻi ai ʻa e ngaahi maʻuʻanga fakamatala Tohi Tapu lelei lahi ange te ne fiefia ʻi hono laú.
ʻĀ Hake! ʻEp.-Sun.
“ʻOku maʻu lahi ʻa e ngaahi keimi fakaʻilekitulōniká ʻi he ngaahi fonua lahi he ʻahó ni. Neongo ʻoku fakafiefia mo taau ʻa e ngaahi keimi ʻe niʻihi, ʻoku ʻomai ʻe he Tohi Tapú ʻa e ngaahi fakahinohino maʻá e faʻahinga ʻoku nau loto ke moʻui anga-fakaʻotuá.” Lau ʻa e Efeso 5:10, 15 pea mo e puha ʻi he peesi 19.
Ko e Taua Leʻo Siu.-Sep.
“Ko e fakautuutu ʻo e ngaahi fakatamaki fakanatula ʻi hotau ʻaho ní kuo fakatupunga ai ke fifili ʻa e niʻihi pe ko hono tauteaʻi ia kitautolu ʻe he ʻOtuá. Ko e hā hoʻo fakakaukaú? [Tuku ke ne tali. Pea lau ʻa e 1 Sione 4:8.] ʻOku fakamatala ʻa e kupu ko ení ki he ʻuhinga ʻoku ʻikai ko e tupu ai mei he ʻOtuá ʻa e faingataʻa naʻe fakatupunga ʻe he ngaahi fakatamaki fakanatulá.” Fakamatala ki he kupu ʻi he peesi 19.
ʻĀ Hake! Siu.-Sep.
“ʻOku lava ke faingataʻa ʻa hono tauhi hake ʻo ha kiʻi tama, tautefito ʻi he taimi ʻoku aʻu ai ha kiʻi tama ki he tuʻunga talavoú peá ne hokosia ʻa e ngaahi liliu lahi. ʻOkú ke pehē ko fē ʻe lava ke hanga ki ai ʻa e ngaahi mātuʻá ki ha faleʻi alafalalaʻanga? [Tuku ke ne tali. Pea lau ʻa e Aisea 48:17, 18.] ʻOku ʻomai ʻe he makasini ko ení ha ngaahi fokotuʻu taimi tonu ke tokoniʻiʻaki ʻa e ngaahi mātuʻá ke nau ngāue ʻi he poto mo e mahino.”