ʻOku Ueʻi Kitautolu ʻe he Fakataha-Lahi Fakavahé ke ʻAʻeva mo e ʻOtuá
He tapua moʻoni atu ē ʻe he Fakataha-lahi Fakavahe “ʻAʻeva mo e ʻOtuá” ʻa e fakahinohino māʻalaʻala ʻa Sihová: “Ko eni ʻa e hala, fou ai”! (Ai. 30:21) Ko hono ngāueʻaki ʻo e fakahinohino ʻoku tau maʻú ʻe tokoniʻi ai kitautolu ke tau ‘tokanga lahi ki he anga ʻo ʻetau laká.’ (Ef. 5:15) Ko e fakalaulauloto ki he meʻa kuo tau akó ʻe tokoniʻi ai kitautolu ʻi heʻetau “eveeva i he mooni.”—3 Sione 3, PM.
Ngāueʻaki ʻa e ngaaahi fehuʻi hoko haké fakataha mo hoʻo ngaahi nouti fakafoʻituitui mei he fakataha-lahí ke teuteu mo kau ki he fakamanatu ʻo e polokalama fakataha-lahi ʻo e taʻu ní. Ko e fakamanatú ʻe fakahoko ia ʻi he Fakataha Ngāue ʻo e uike ʻo Tīsema 13.
1. Naʻe malava fēfē ke ʻaʻeva ʻa ʻĪnoke mo e ʻOtuá neongo ʻa e moʻui ʻi he ngaaahi taimi taʻemanongá? (Hep. 11:1, 5, 6; Siu. 14, 15; “ʻAʻeva mo e ʻOtuá ʻi he Ngaahi Taimi Taʻemanongá”)
2. ʻI he ngaahi tafaʻaki fē ʻo e moʻuí ʻe lava ke ngāueʻaki ai ʻa e tefitoʻi moʻoni ʻo e Luke 16:10? (“ʻOkú Ke ‘Angatonu ʻi he Mea Jii’?”)
3. (a) Fakalau ʻa e ngaahi lēsoni ʻaonga ʻe fā ʻoku maʻu ʻi he Hosea vahe 6 ki he 9 ʻa ia ʻoku tokoniʻi ai kitautolu ke tau ʻaʻeva mo e ʻOtuá. (Ho. 6:6, 7; 7:14; 8:7) (e) Ko e hā ʻa e ngaahi poini ʻoku tānaki mai mei he Hosea vahe 10 ki he 14 ʻoku tokoniʻi ai kitautolu ke tau ʻaʻeva mo e ʻOtuá? (“Tokoniʻi Kitautolu ʻe he Kikite ʻa Hōseá Ke Tau ʻAʻeva mo e ʻOtuá”—Malanga Fakakongokonga)
4. Ko e hā ʻa e ngaahi meʻa ʻaonga ʻe lava ke fai ʻe he ngaahi husepāniti mo e ngaahi uaifi Kalisitiané ke tauhi ʻenau nofo malí ke mālohí? (Pal. 12:4; Ef. 5:29; “ʻOua ʻe Fakamāvae ʻa e ‘Meʻa kuo Fakahoko ʻe he ʻOtua’”)
5. ʻOku lava fēfē ke tau fakahāhā ʻa e ʻapasia ki heʻetau ngaahi fakatahataha toputapú? (Koh. 5:1; Ai. 66:23; “Fakahāhā ʻa e ʻApasia ki Heʻetau Ngaahi Fakatahataha Toputapú”)
6. (a) Ko e hā ʻa e ngaahi tafaʻaki mahuʻinga ʻe tolu ʻo ʻetau ngāue fakamalangá ʻoku totonu ke tau sivisiviʻi ke fakapapauʻiʻaki ʻoku tau kau mohu ʻuhinga ki ai? (Ai. 52:7; Sak. 8:23; Mk. 6:34) (e) Ko e hā ʻa e ngaahi tafaʻaki ʻo e tohi ko e Good News for People of All Nations ʻokú ke ʻiloʻi ʻoku tautefito ʻene ʻaongá? (“Ongoongo Lelei ki he Kakai ʻo e Fonua Kotoa Pē”; “Tokoniʻi ʻa e Faʻahinga ʻOku Lea ʻi ha Lea ʻe Tahá”)
7. ʻE lava fēfē nai ke tau tokoniʻi ʻa e faʻahinga foʻoú ke nau maʻu ha loto-falala ʻi hono fakahoko ʻa e pōpoaki ʻo e Puleʻangá? (Fkm. 7:17; “Tokoniʻi ʻa e Kakai Tokolahi ke Kau mo Kitautolu ʻi he Ngāue Fakafaifekaú”)
8. ʻOku anga-fēfē ʻetau fakahāhaaʻi ʻa ʻetau tuipau “oku ofi ae aho lahi o Jihova”? (Sef. 1:14, PM; “Aeva i he Tui, kae Ikai i he Mamata”)
9. (a) ʻOku mafatukituki fēfē ʻa e meʻa fekauʻaki mo e tūkiá? (Mk. 9:42-48) (e) ʻE lava fēfē ke tau fakaʻehiʻehi mei he hoko ʻo tūkiá? (Sāme 119:165) (f) ʻE lava fēfē ke tau fakaʻehiʻehi mei hono fakatūkiaʻi ʻa e niʻihi kehé? (1 Kol. 10:24; “Fakaʻehiʻehi mei ha ‘Tūkiaʻanga ʻe Tupu’”)
10. ʻE lava fēfē ke tau tauhi maʻu ʻa ʻetau mafamafatatau ʻi he kumi ki ha hoa malí, feinga ki he moʻui leleí, pea ʻi he fakaleleiʻi ʻo e ngaahi meʻa fakapisinisí? (Sāme 26:4; Mt. 6:25; 1 Tim. 6:9; “Mou Mātuʻaki Fakakaukau Lelei Maʻu Pē”)
11. (a) Ko e hā ʻa e meʻa ʻoku taau ke tokangaʻi fekauʻaki mo e ngaahi taimi ko ia naʻe fiefia ai ʻa Sīsū ʻi he anga-talitali kakai ʻa e niʻihi kehé? (Luke 10:42; 24:32) (e) ʻE lava fēfē ke tau fakatōliʻa ʻa ʻetau ngaahi fiemaʻu fakafiefiá ʻi ha founga ʻa ia te ne fakaivifoʻou ai kitautolu mo e niʻihi kehé? (1 Kol. 10:31-33; “Ngaahi Meʻa Lelei ʻOku Fai ʻa Ia ʻOku Fakaivifoʻou”)
12. Fakatatau ki he Sāme 23, ko e hā ʻa e ngaahi tāpuaki ʻoku tau maʻu ʻi hotau tuʻunga ko e fanga sipi ʻa Sihová, pea ko e hā hotau ngaahi fatongiá? (1 Kol. 10:21; “Ko Sihova ʻa Hotau Tauhí”)
13. ʻOku anga-fēfē ʻa e tokanga ʻa e kau Kalisitiané ki he fekau fakamānavaʻi ko ia ke “fakatau mai ʻa e taimi faingamālié”? (Ef. 5:16, NW; “Fakatau Mai ʻa e Taimi Faingamālié”)
14. (a) Ko e hā ʻa e meʻa ʻoku kau ki he ‘taimi ʻo e fakamāu’ ʻoku lave ki ai ʻa e Fakahā 14:7? (e) ʻOku anga-fēfē ʻetau ʻoatu ʻa e fakamoʻoni ʻoku tau mavahe moʻoni mei Pāpilone ko e Lahi? (“‘Hanganaki Leʻo’—Kuo Hokosia ʻa e Taimi ʻo e Fakamāú”) (f) Ko e hā ʻa e ngaahi poini naʻá ke fiefia ai mei he polosiua ko e Hanganaki Leʻo!?
15. Fakahaaʻi ʻa e ngaahi ʻulungāanga ʻe tolu ʻoku ʻai ai kitautolu ke tau “afe mei he hala totonu.” (2 Pita 2:15; “Leʻohi Naʻa ‘Afe mei he Hala Totonu’”)
16. ʻE lava fēfē ke fakaʻehiʻehi ʻa e kau talavoú mei he “hala ʻo e kau angahala”? (Pal. 4:14; “Kau Talavou—ʻAʻeva ʻi he Hala ʻo e Māʻoniʻoní”)
17. (a) ʻI he ngaahi founga fē naʻe hoko ai ʻa Paula ko ha faʻifaʻitakiʻanga lelei ʻo e kātakí? (Ng. 14:19, 20; 16:25-33) (e) Ko e hā ʻoku ʻikai ai ha fiemaʻu ke manavahē ki he kau fakafepaki ki he lotu moʻoní? (Tulamá mo e malanga “Faifakamoʻoni Fakaʻāuliliki he ʻAhó Ni Neongo ʻa e Fakafepakí”)
18. Ko e hā ʻa e ngaahi tāpuaki ʻoku haʻu ki he faʻahinga ʻoku nau ʻaʻeva mo e ʻOtuá? (“Ko e ʻAʻeva mo e ʻOtuá ʻOku ʻOmai Ai ʻa e Ngaahi Tāpuaki ʻi he Taimí Ni pea Taʻengata”)
ʻOfa ke tau fakapapauʻi ʻoku tau tokanga ‘ki he lea mei hotau tuʻá’ ke tau ʻaʻeva ai mo ʻetau Tamai fakahēvaní ʻo taʻengata.—Ai. 30:21; Sione 3:36.