Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sep. 15
“Kuo ʻosi fanongo ʻa e kakai takatakai he māmaní ʻia Sīsū Kalaisi. ʻOku pehē ʻe he niʻihi ko ha tangata tuʻu-ki-muʻa pē ia. ʻOku lotu ʻa e niʻihi ia kiate ia ko ha ʻOtua Māfimafi-Aoniu. ʻOkú ke fakakaukau ko hai ʻa Sīsū Kalaisi? [Tuku ke ne tali.] ʻOku fakamatalaʻi tonu ʻe he makasini ko ení pe ko hai tonu ia, naʻá ne haʻú mei fē pea mo e feituʻu ʻokú ne ʻi ai he taimi ní.” Lau ʻa e Sione 17:3.
Awake! Sep. 22
“ʻOku tokolahi ʻa e kakai ʻoku ʻikai lava ke nau totongi ha feituʻu lelei ke nofo ai. ʻOkú ke fakakaukau ʻe ʻi ai ha ʻaho ʻe ʻi ai ai ha nofoʻanga feʻunga maʻá e tokotaha kotoa? [Tuku ke ne tali.] ʻOku fakahaaʻi ʻe he Awake! ha līpooti ki muí ni mai ʻo e palopalema ʻi he nofoʻangá. ʻOku toe fakahaaʻi ai ʻa e ʻuhinga ʻe lava ai ke tau falala-pau ʻe fakahoko ʻa e talaʻofa ko eni ʻa e ʻOtuá.” Lau ʻa e Aisea 65:21, 22.
Ko e Taua Leʻo ʻOka. 1
Lau ʻa e fehuʻi ʻi he takafí. Pea ʻeke ange leva: “ʻOkú ke ʻiloʻi pe ko e fakaʻilonga fē ʻoku ʻuhinga ki ai ení? [Tuku ke ne tali. Pea lau leva ʻa e Mātiu 24:3.] ʻOku lāulea ʻa e ʻīsiu ko eni ʻo e Taua Leʻo ki he ngaahi ʻelemēniti tefito ʻe nima ʻo e fakaʻilongá pea ʻoku fakamatalaʻi ai ʻa e ʻuhinga ʻoku fiemaʻu ai ke tau ʻiloʻi iá.” Fakahaaʻi ange ʻa e puha ʻi he peesi 6.
Awake! ʻOka. 8
“ʻOku fakatupunga ʻe he ngāuehalaʻaki ʻo e ʻolokaholó ʻa e ngaahi palopalema taʻefaʻalaua. ʻOku fakahaaʻi ʻe he makasini ko ení ʻa e uesia ʻoku fai ʻe he ʻolokaholó ki he sinó. [Fakahaaʻi ange ʻa e fakatātā ʻi he peesi 7.] ʻOku lāulea ʻa e ngaahi kupu ko ení ki he founga ʻe lava ai ke ʻatā ʻa e kakaí mei hono ngāuehalaʻaki ʻa e ʻolokaholó pea mo e meʻa ʻe lava ke fai ʻe he niʻihi kehé ke nau hoko ai ʻo tokoní.”