Meʻa Ke Leaʻaki Fekauʻaki mo e Ngaahi Makasiní
Ko e Taua Leʻo Sep. 15
“Ko e hā hoʻo fakakaukau ki he meʻa ʻoku leaʻaki ʻi he veesi ko ení. [Lau ʻa e Teutalonome 32:4.] Kuó ke fifili nai ʻi ha taimi pe ko e hā kuo lahi pehē fau ai ʻa e faingataʻá mo e fulikivanú ʻi he māmaní kapau ko e ʻOtuá ʻoku mālohi fakaʻaufuli mo faitotonu? [Tuku ke ne tali.] ʻOku fakamatala ʻa e makasini ko ení ki he ʻuhinga kuo fakaʻatā ai ʻe he ʻOtuá ʻa e fulikivanú ke hokohoko atu ʻo aʻu mai ki hotau ʻaho ní.”
Awake! Sep.
“Ko e tokolahi taha ʻo kitautolú ʻoku tau holi ki ha moʻui lelei mo ha moʻui fuoloa. ʻOkú ke pehē ko hono tauhi ha loto-leleí ʻe lava ke tokoni ia ki heʻetau moʻui leleí? [Tuku ke ne tali. Pea lau ʻa e Palovepi 17:22.] ʻOku lāulea ʻa e kupú ni ki he ʻuhinga ʻoku taau ai ke fakatupulekina ha fakakaukau fakatuʻamelié.” Fakaʻaliʻali ʻa e kupu ʻi he peesi 26.
Ko e Taua Leʻo ʻOka. 1
“Kuó ke pehē hifo kiate koe ʻi ha taimi, ‘Kapau pē ā naʻá ku fai ha meʻa kehe!’? [Tuku ke ne tali.] Fakatokangaʻi ange ʻa e meʻa ʻoku leaʻaki heni fekauʻaki mo e ʻuhinga ʻoku tau fai ai ʻi he taimi ʻe niʻihi ʻa e ngaahi fili ʻo tau toki fakatomala ai ʻamui. [Lau ʻa e Selemaia 10:23.] ʻOku fakamatala ʻa e makasini ko ení ki he anga hono tokoniʻi kitautolu ʻe he faleʻi ʻaonga ʻoku maʻu ʻi he Tohi Tapú ke tau fai ai ʻa e ngaahi fili lelei.”
ʻĀ Hake! ʻOka.–Tīs.
“ʻOku ongoʻi ʻe he niʻihi ko e tupu mei he ʻOtuá ʻa e meʻa kotoa pē ʻoku hokó. ʻI he hoko ha meʻa fakamamahi, ʻoku nau pehē ʻoku pau pē ʻoku ʻi ai ʻa e ʻuhinga lelei ʻa e ʻOtuá ki hono fakatupunga iá. Ko e hā hoʻo fakakaukaú? [Tuku ke ne tali. Pea lau ʻa e Semisi 1:13.] ʻOku fakahaaʻi ʻi he makasini ko ení ʻa e meʻa ʻoku leaʻaki ʻe he Tohi Tapú fekauʻaki mo e tupuʻanga ʻo e faingataʻá pea mo e meʻa ʻoku fai ʻe he ʻOtuá ke fakangataʻaki iá.”