Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sep. 15
Lave ki ha ngaahi ongoongo ki muí ni ʻoku hohaʻa ki ai ʻa e feituʻú. ʻEke ange leva: “ʻOkú ke fakakaukau ʻoku fakamatalaʻi totonu ʻe he veesi Tohi Tapu ko ʻení ʻa e taimi ʻoku tau moʻui aí? [Lau ʻa e 2 Timote 3:1, pea tuku ke ne tali.] ʻOku sivisiviʻi ʻe he kupu ko ʻení ʻa e fakamoʻoni ko ia ʻoku tau moʻui ʻi he ngaahi ʻaho fakamuí pea fakahaaʻi mai ai ʻa e meʻa ʻoku totonu ke tau faí.”
Awake! Sep.
“ʻOku tui ʻa e tokolahi naʻe fakatupu kitautolu. ʻOku tui ʻa e niʻihi naʻa tau tupu mei he ʻevalūsioó. Ko e hā hoʻo fakakaukaú? [Tuku ke ne tali.] Fakatokangaʻi ʻa e fokotuʻu ko eni ke tokoniʻi kitautolu ke tau aʻu ai ki ha fakamulituku totonú. [Lau ʻa e Siope 12:7, 8.] ʻOku fakamatalaʻi ʻe he ʻīsiu makehe ko eni ʻo e Awake! ʻa e meʻa ʻe lava ke tau ako mei he poto mo e tisaini ʻoku hā mahino ʻi natulá.”
Ko e Taua Leʻo ʻOka. 1
“ʻOku feinga ʻa e kau faipaiolosií ke toʻo ʻosi ʻa e mahakí pea fakalōloaʻi ʻetau moʻuí. ʻOkú ke fakakaukau ʻe faifai pea malava ke fai ha moʻui taʻengata? [Tuku ke ne tali.] Fakatokangaʻi ʻa e ʻuhinga ʻoku tau fakaʻānaua ai ki he moʻui fuoloa angé. [Lau ʻa e Koheleti 3:11.] ʻOku fakamatalaʻi ʻe he makasini ko ení ʻa e ʻuhinga naʻe fakatupu ai kitautolu ʻe he ʻOtuá fakataha mo e holi ke moʻui taʻengatá.”
ʻĀ Hake! ʻOka.–Tīs.
“ʻI he ʻahó ni, ʻoku toe lahi ange ʻa e ngaahi nofo mali ʻoku tofanga ʻi he faingataʻá. ʻOkú ke fakakaukau ʻe maʻu ʻaonga ʻa e ngaahi hoa malí mei hono ngāueʻaki ʻa e akonaki fakamānavaʻi ko ʻení? [Lau ʻa e Efeso 4:32. Pea tuku leva ke ne tali.] ʻOku lāulea ʻa e ʻīsiu ko ʻeni ʻo e ʻĀ Hake! ki he ngaahi tefitoʻi moʻoni Fakatohitapu kuo ʻosi fakapapauʻi ʻe lava ke tokoni kia kitautolu ke langa hake ai ha nofo mali fiefiá.”