Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siu.-Sep.
“ʻOku maheni ʻa e kakai tokolahi mo e ngaahi lea ʻa Sīsū ʻi he Mātiu 6:9. [Lau.] Ka neongo ia, ko e tokolahi ʻoku nau ʻiloʻi ʻoku faingataʻa ke ongoʻi ofi ki he ʻOtuá ʻi he tuʻunga ko ha Tamai. ʻOkú ke fakakaukau pe ʻe lava fēfē ke tau ʻunuʻunu ofi ki he ʻOtuá? [Tuku ke ne tali.] ʻOku lāulea ʻa e makasini ko ení ki he ngaahi ʻulungāanga kehekehe ʻo ʻetau Tamai hēvaní pea mo e founga ʻe lava ke tau hoko ai ʻo ʻiloʻi moʻoni iá.”
ʻĀ Hake! Siu.-Sep.
“Ko e liliu mei he kei talavoú ʻo hoko ko ha tokotaha lahí ʻoku ʻikai ke hoko vave ia. ʻOku ongoʻi ʻe he kau talavoú he taimi ʻe niʻihi ʻoku fuʻu fakangatangata ʻa e ongo mātuʻá. ʻE lava fēfē ke maʻu ʻe he ongo mātuʻá fakatouʻosi mo e kau talavoú ha tuʻunga mafamafatatau fakafiefia? Ko e kupu ʻoku kamata ʻi he peesi 20 ʻoku ʻomi ai ʻa e ngaahi hokosia moʻoni ʻi he moʻuí ʻi he founga ʻe malava ke maʻu ai ʻa e falalá.”
Ko e Taua Leʻo ʻOka.-Tīs.
“Ko e kotoa ʻo kitautolú ʻoku tau hokosia ʻa e mamahi ʻi he mole atu ʻa e ngaahi ʻofaʻanga ʻi he maté. ʻI he ngaahi taimi peheé, ʻokú ke fakakaukau ʻe lava ke tokoni ʻa e Tohi Tapú? [Tuku ke ne tali. Pea lau leva ʻa e Sāme 55:22.] ʻOku lāulea ʻa e makasini ko ení ki he niʻihi ʻo e ngaahi founga ʻaonga ʻoku lāulea ki ai ʻi he Tohi Tapú ke fekuki ai mo ia.”
ʻĀ Hake! ʻOka.-Tīs.
“ʻOku tuipau ʻa e tokolahi ko e ʻalu ko ia ke mafana ange ʻa e ʻeá ʻokú ne ʻai ke ʻi he tuʻunga fakatuʻutāmaki ʻa e moʻui ʻi hotau foʻi palanité. ʻOkú ke fakakaukau ʻe fēfē hano fakaleleiʻi ʻa e meʻá ni? [Tuku ke ne tali. Pea lau leva ʻa e Aisea 11:9.] ʻOku fakamatalaʻi ʻe he makasini ko ení ʻa e ʻuhinga ʻoku ʻikai ai ha veiveiua ʻe hokohoko atu e ʻi ai ʻa e foʻi māmaní ko e ʻapi maʻá e faʻahinga ʻo e tangatá.”