Puleʻanga ʻo e ʻOtuá—Ko e Hā Ia?

Ko ha tangata ʻokú ne tangutu ʻi ha sea ʻi muʻa ʻi ha fale fakapuleʻanga ʻo lau ʻa e Tohi Tapú.

ʻOku lotu ʻa e kakai tokolahi ke hoko mai ʻa e Puleʻanga ʻo e ʻOtuá, ka kuó ke fifili nai pe ko e hā ʻa e Puleʻanga ʻo e ʻOtuá pea mo e meʻa ʻe lava ke ne faí?

FAKAKAUKAU KI HE MEʻA ʻOKU LEAʻAKI ʻE HE TOHI TAPÚ:

Ko e hā ʻa e Puleʻanga ʻo e ʻOtuá?

Ko ha founga-pule fakahēvani ʻoku Tuʻi ai ʻa Sīsū Kalaisi.—ʻAisea 9:6, 7; Mātiu 5:3; Luke 1:31-33.
Ko e hā ʻe fakahoko ʻe he Puleʻanga ʻo e ʻOtuá?

Te ne fakangata ʻa e kovi kotoa pē pea ʻomai ʻa e melino tuʻuloa ki he kakai ʻi he māmaní.—Taniela 2:44; Mātiu 6:10.
ʻOku ʻuhinga ki he hā ʻa e fuofua kumi ki he Puleʻangá?

ʻOku ʻuhinga iá ke poupou ki he Puleʻanga ʻo e ʻOtuá pea falala ko ia pē te ne ʻai ʻa e ngaahi tuʻunga ʻi he māmaní ke hoko ʻo hangē ko e finangalo ʻo e ʻOtuá.—Mātiu 6:33; 13:44.