Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEpeleli-Sune
“ʻOkú ke pehē ʻoku fanongo mai ʻa e ʻOtuá ki he ngaahi lotu kotoa pē? [Tuku ke ne tali.] Fakatokangaʻi ange ʻa e meʻa naʻe leaʻaki ʻe Sīsū fekauʻaki mo e kaveingá ni. [Lau ʻa e Mātiu 6:7.] Ko e kupu mālie ko ení ʻoku ʻomai ai e tali ʻa e Tohi Tapú ki he fehuʻi ʻe fā ʻoku faʻa ʻekea ʻo fekauʻaki mo e lotú.” Fakaʻaliʻali ʻa e kupu ʻoku kamata ʻi he peesi 26.
ʻĀ Hake! ʻEpeleli-Sune
“Ko e tokolahi he ʻaho ní ʻoku nau tofanga ʻi ha loto-moʻua ki he paʻangá, tautefito ʻi he lolotonga ʻo e ngaahi taimi faingataʻa fakaʻekonōmika ko ení. ʻOku pehē hoʻo fakakaukaú? [Tuku ke ne tali.] Fakatokangaʻi ange ʻa e faleʻi mafamafatatau ko ení. [Lau ʻa e 1 Timote 6:8, 10.] ʻOku ʻomai ʻi he makasini ko ení ha ngaahi tefitoʻi moʻoni Fakatohitapu ʻe tokoniʻi ai kitautolu ke tau levaʻi ʻetau paʻangá ʻi ha founga ʻe maʻu ai ʻa e nongá.”
Ko e Taua Leʻo ʻEpeleli-Sune
“ʻOkú ke pehē ʻoku fakahōifua ʻa e ngaahi lotu kotoa pē ki he ʻOtuá? [Tuku ke ne tali.] Fakatokangaʻi ʻa e meʻa naʻe tokanga ki ai ʻa Sīsū ʻoku fakahaaʻi hení. [Lau ʻa e Mātiu 15:8, 9.] ʻOku lāulea ʻa e kupu ko ení ki he tuʻunga pe ʻoku tali koā ʻe he ʻOtuá ʻa e founga lotu kotoa pē.” Fakaʻaliʻali ʻa e kupu ʻi he peesi 9.
ʻĀ Hake! ʻEpeleli-Sune
“ʻI he taimi pē ʻoku lave ai ki he ngāue pōpulá, ʻoku ʻosi fakakaukau pē ʻa e tokolahi taha ia ʻo e kakaí ki ʻAfilika. Ka naʻá ke ʻiloʻi koā naʻe toe uesia ʻe he ngāue pōpulá ʻa e Pasifiki Sauté? ʻOku ʻomai ʻi he kupu ko ení ha hisitōlia nounou ʻo e meʻa naʻe hokó. [Fakaʻaliʻali ʻa e kupu ʻi he peesi 24.] ʻOku lava ke tau fakatuʻotuʻa atu ki ha taimi fiefia ʻa ia ʻe hoko ai ʻa e tuʻunga kotoa pē ʻo e fakafeʻātungiá, fakamaau taʻetotonú mo e ngāue pōpulá ko e ngaahi meʻa pē ia ʻo e kuohilí.” Lau ʻa e Maika 4:4.