Fakamamafaʻi Hono Kamata ha Ngaahi Ako Tohi Tapu ʻi he ʻUluaki Tokonakí
Naʻe kamata ʻi Mē 2011, ʻa hono fakalototoʻaʻi ʻa e kau malangá ke nau feinga ke kamata ha ngaahi ako Tohi Tapu ʻi he ʻuluaki Tokonaki ʻo e māhina taki taha. Ke tokoniʻi kitautolu ke tau fai iá, ko ha konga tuʻumaʻu ʻo e pulusinga maʻá e kakaí ko e Taua Leʻo ʻoku fakakaveinga ko e “Tali ʻo e Ngaahi Fehuʻi Fakatohitapú” kuo ʻosi teuteuʻi ia. Ko ia ai, ko e fakataha ki he ngāue fakamalanga ʻoku fai ʻi he ʻuluaki Tokonakí ʻoku totonu ke fakamamafaʻi ʻa e founga ʻoku lava ke ngāueʻaki ai ʻa e kupu ko ení ke kamata ha ngaahi ako Tohi Tapu pea ʻoku totonu ke fakakau ai ha fokotuʻutuʻu ke fai hano fakahāhaaʻi ʻo e tuʻuakí.
ʻOku lava ke fili ʻe he kau mātuʻá ke fakataha kehekehe pē ʻa e kulupu ngāue fakamalanga taki taha ʻi he ʻuluaki tokonakí, pe ʻoku lava ke nau fili ke ngāue fakataha ʻa e ngaahi kulupú pea fakataha kotoa nai ki he Fale Fakatahaʻangá. Kae kehe, kapau ʻe ngāueʻaki ʻe ha ngaahi fakatahaʻanga ʻa e Fale Fakatahaʻangá, ʻoku ʻikai totonu ke hiki ʻa e ʻaho makehe ko eni ki hono kamata ha ngaahi ako Tohi Tapú ki ha toe ʻaho kehe koeʻuhi ke fai ai ha fakatahataha fakataha ki he ngāue fakamalangá.