Sīpinga Tuʻuaki

Ki he Feingangāue Tufa Tohi Fakaafe ki he Fakamanatú

“ʻOku mau tufa ha tohi fakaafe ki ha kātoanga mātuʻaki mahuʻinga. ʻI ʻEpeleli 14, ko e laui miliona takatakai ʻi he māmaní te nau fakatahataha ke fakamanatu ʻa e pekia ʻa Sīsū Kalaisí pea fanongo ki ha malanga Fakatohitapu taʻetotongi fekauʻaki mo e founga ʻetau maʻu ʻaonga mei heʻene pekiá. ʻOku hā ʻi he tohi fakaafe ko ení ʻa e tuʻasila pea mo e taimi ʻe fai ai ʻa e fakatahá ʻi hotau feituʻú.”

Ko e Taua Leʻo Maʻasi-ʻEpeleli

“Ko e tokolahi taha ʻo e kakaí ʻoku nau tui ko e ʻOtuá ko e ʻofa, ka ʻoku nau fifili pe ʻoku anga-fēfē ʻene ongoʻi fekauʻaki mo ʻetau faingataʻaʻiá? Kuó ke fifili nai fekauʻaki mo ia? ʻOku talaʻofa ʻa e Tohi Tapú ʻe fakangata ʻe he ʻOtuá ʻa e ngaahi faingataʻa kotoa ʻi he kahaʻú, ka ʻi he taimi tatau ʻoku fakapapauʻi mai ko e ʻOtuá ʻokú ne ʻafioʻi ʻa e ngaahi faingataʻa ʻoku tau tofanga aí. [Lau ʻa e Saame 31:7.] Ko e kupu ʻi he peesi 8 ʻo e makasini ko ení ʻoku toe fakamatalaʻi ai ʻa e ʻuhinga ʻoku fakaʻatā ai ʻe he ʻOtuá ʻa e faingataʻá.”