Sīpinga Tuʻuaki

Feingangāue Tufa Tohi Fakaafe ki he Fakamanatú

“ʻOku mau ʻi hení ke ʻoatu ki ho fāmilí ʻa e tohi fakaafe ko ení ki ha kātoanga fakataʻu mahuʻinga ʻe fai ʻi māmani lahi ʻi Maʻasi  26. Ko e ʻaho ko iá ko e ʻaho fakamanatu ʻo e pekia ʻa Sīsuú. ʻE fakahoko ai ha malanga Fakatohitapu taʻetotongi ʻa ia ʻe fakamatalaʻi ai ʻa e founga hono tokoniʻi kitautolu ʻi heʻene pekiá. ʻOku hā ʻi he tohi fakaafe ko ení ʻa e tuʻasilá pea mo e taimi ʻe fai ai ʻa e fakatahá ni ʻi hotau feituʻú.”

Ko e Taua Leʻo Maʻasi-ʻEpeleli

“ʻOku mau loto ke ʻilo hoʻo fakakaukaú fekauʻaki mo e tokotaha ʻoku fakaʻapaʻapaʻi lahi ʻe he kau Kalisitiané, kau Siú, tatau pē mo e kau Mosilemí. Ko e tokotaha ko iá ko Mōsese. Ko e hā ʻa e ʻuluaki meʻa ʻokú ke fakakaukau ki ai ʻi hoʻo fanongo ki hono hingoá? [Tuku ke ne tali.] Neongo naʻe ʻi ai ʻene ngaahi fehālaaki, ʻoku fakatupu tokanga ʻa e anga hono fakamatalaʻi ʻe he Tohi Tapú ʻa Mōsesé. [Lau ʻa e Teutalōnome 34:10-12.] ʻOku lāulea ʻa e makasini ko ení ki hono ngaahi ʻulungaanga lelei ʻe tolu pea mo e founga ʻe lava ke tau faʻifaʻitaki ai kiate iá.”

Ko e Taua Leʻo Maʻasi-ʻEpeleli

“Ko e kakai tokolahi ʻoku nau fakakaukau ko e Tēvoló ko e tupuʻanga ia ʻo e kovi ʻi he māmaní. Ka ʻoku nau fifili: ‘Ko e haʻu mei fē ʻa e Tēvoló? Naʻe fakatupu ia ʻe he ʻOtuá?’ Ko e hā hoʻo fakakaukaú? [Tuku ke ne tali.] Fakatokangaʻi ʻa e meʻa ʻoku tau lau hení.” Lau ʻa e Sione 8:44 pea fakahaaʻi ʻa e kupu ʻi he peesi fakaʻosi ʻo e Taua Leʻo ʻo Maʻasi-ʻEpeleli.