Ko ha Meʻangāue Fakaefekumi Foʻou

Kuo ngāueleleiʻaki ʻe he laui miliona ʻo e kau malanga ʻi māmani lahí ʻa e Watch Tower Publications Index ke fai ai ʻenau fekumí. Kae kehe, koeʻuhí ko ʻene fuʻu fakaikiikí ʻoku ala maʻu pē ia ʻi he ngaahi lea ʻe niʻihi. Ko ia ai, kuo teuteuʻi ʻa e Tataki Fakaefekumi Maʻá e Kau Fakamoʻoni ʻa Sihová ʻi he ngaahi lea nai ʻe 170. Ko e ʻū tohi maʻuʻanga fakamatala ʻi he Tataki Fakaefekumi ʻoku kamata ia mei he taʻu 2000 ʻo faai mai ai. Kuo ʻikai pulusi ʻa e Tataki Fakaefekumi ʻi he ngaahi lea ko ia kuo nau ʻosi maʻu ʻa e Index ka ʻoku fakakau ia ʻi he fōmeti fakaʻilekitulōnika ʻi he Laipeli Taua Leʻo mo e LAIPELI TAUA LEʻO ʻI HE ʻINITANETÍ. ʻE tokoniʻi koe ʻe he Tataki Fakaefekumi ke kumi ki he ngaahi tali ʻo e ngaahi fehuʻi Fakatohitapú, kumi ki ha ngaahi fakamatala ʻo fekauʻaki mo e ngaahi meʻa fakafoʻituituí, mo teuteu ki he ngaahi fakataha ʻa e fakatahaʻangá mo e lotu fakafāmilí.