Ko e Hā ke Mavahe Vave Aí?
ʻI he taimi ʻoku tau fakataha ai ki he ngāue fakamalangá, ʻoku tau ʻi he haʻohaʻonga ai hotau fanga tokouá pea ʻoku anga-maheni pē ʻetau loto ke talanoa mo kinautolu. Kae kehe, ʻi he ʻosi pē ʻa e fakataha malangá, ʻoku totonu ke tau feinga ke mavahe vave leva ki he feituʻu ngāué. ʻOku fakavavevave ʻetau ngāue fakamalangá. (2 Tīm. 4:2) Ko e fuoloa ange ʻetau nofo aí, ko e siʻisiʻi ange ia ʻa e taimi te tau maʻu ki he ngāue fakafaifekaú. Te tau maʻu ha faingamālie lahi ke feohi fakatupu langa hake mo e kaungā malangá ʻi heʻetau ngāue fakataha mo kinautolu ʻi he ngāue fakafaifekaú. ʻI heʻetau mavahe ki he ngāue fakafaifekaú ʻo ʻikai toe fakatuotuaí ʻoku tau fakahāhā ai ʻa e faivelenga ʻi heʻetau ngāue fakatamaioʻeiki kia Sihova mo hono ʻAló.—Loma 12:11.