Faivelenga ʻi he Fefakaʻaiʻaiʻaki ki he Ngaahi Ngāue Leleí

ʻI he Hepelū 10:24 ʻoku fakalototoʻaʻi ai kitautolu ke “fetokangaʻaki koeʻuhi ke fakaʻaiʻai ai kitautolu ki he ʻofá mo e ngaahi ngāue leleí.” ʻE lava ke tau fakaʻaiʻai hotau fanga tokouá ʻaki ʻetau faʻifaʻitakiʻangá mo e fakahāhā ko ia ʻetau tuí. Vahevahe hoʻo ngaahi hokosia leleí mo e niʻihi kehe ʻi he fakatahaʻangá. ʻAi ke nau sio ki he fiefia ʻokú ke maʻu ʻi he tauhi kia Sihová. Ka ʻi he taimi tatau, fakaʻehiʻehi mei hono fakahoa ʻikai lelei koe kia kinautolu pe niʻihi kehé. (Kal. 6:4) Ngāueʻaki ho mālohí ke fakaʻaiʻai ʻa e niʻihi kehé ki he “ʻofá mo e ngaahi ngāue leleí” kae ʻikai ki he halaia mo e ngaahi ngāue leleí. (Sio ki he tohi Ako Fakafaifekau, p. 158, pal. 4.) Kapau ʻoku fakaʻaiʻai kitautolu ki he ʻofá, te tau fai leva ai ʻa e ngaahi ngāue—hangē ko hono fai ʻo e ngaahi tokonaki lelei fakamatelie maʻá e niʻihi kehé pe ngāue fakamalangá.—2 Kol. 1:24.