ʻOatu ʻa e Mālohi ʻo e Folofola ʻa e ʻOtuá ʻi Hoʻo Ngāue Fakafaifekaú
ʻI he taimi ʻoku tuku mai ai ʻe ha taha ha taimi ke tau vahevahe ange ai ʻa e ongoongo leleí, ʻoku tau ngāueleleiʻaki ʻa e faingamālié pea ʻoatu ʻa e mālohi ʻo e Folofola ʻa e ʻOtuá ʻaki hono lau hangatonu ʻa e ngaahi vēsí mei he Tohi Tapú. Naʻe fakamamafaʻi eni ʻi he ʻaho ʻasemipilī makehe ʻi he taʻu kuo ʻosí. Naʻe fai ʻe he ʻovasia sēketí ha malanga naʻe fakakaveinga “ʻOatu ʻa e Mālohi ʻo e Folofola ʻa e ʻOtua ʻi Hoʻo Ngāue Fakafaifekaú.” ʻOkú ke manatuʻi ʻa e ngaahi poini tefitó?
Ko e hā ʻoku mālohi ange ai ʻa e folofola ʻa Sihová ʻi haʻatautolú?—2 Tīm. 3:16, 17.
ʻOku anga-fēfē hono ueʻi ʻe he Tohi Tapú ʻa e ngaahi ongo ʻo e lotó, fakafuo ʻa e fakakaukaú, fakaleleiʻi ʻa e ngaahi taumuʻá mo tataki ʻa e ʻulungāngá?—Sio ki he Taua Leʻo ʻo Sune 15, 2012, p. 27, pal. 7.
ʻI he taimi ʻoku tau lau ai ha veesi Tohi Tapu ki ha tokotaha ʻi he ngāue fakafaifekaú, ʻe lava fēfē ke tau tohoakiʻi ʻene tokangá ki he Folofola ʻa e ʻOtuá ʻi ha founga ʻe fakatupunga ai ia ke ne tali?—Sio ki he tohi Ako Fakafaifekau, p. 148, pal. 3-4 mo e Ko ʻEtau Ngāue Fakafaifekau ʻo Maʻasi 2013, p. 12, pal. 8.
Ko e hā ʻoku mahuʻinga ai ke tau fakamatalaʻi mo fakaʻuhingaʻi ʻa e ngaahi veesi Tohi Tapu ʻoku tau laú pea ʻe lava fēfē ke tau fai pehē?—Ngā. 17:2, 3; sio ki he tohi Ako Fakafaifekau, p. 154, pal. 4 ki he p. 156, pal. 5.