Fakaleleiʻi ʻEtau Pōtoʻi ʻi he Ngāue Fakafaifekaú—Kamataʻi ha Ako Tohi Tapu ʻi he Matapaá ʻo Ngāueʻaki ʻa e Polosiua Ongoongo Lelei mei he ʻOtuá!
ʻUhinga ʻOku Mahuʻinga Aí: Ke ngaohi ākongá, kuo pau ke tau hoko ko e kau faiako ʻo e Folofola ʻa e ʻOtuá. (Māt. 28:19, 20) Ko kitautolu kotoa ʻe lava ke tau akoʻi ola lelei ʻa e moʻoní ʻaki hono ngāueʻaki ʻa e ngaahi meʻangāue kuo ʻomai kiate kitautolú. Ko e polosiua Ongoongo Lelei mei he ʻOtuá! ʻoku faʻu tefito ia ke tokoniʻi kitautolu ʻi hono akoʻi ʻa e moʻoní ki he niʻihi kehé. Ko hono moʻoní, ʻe lava ke tau ngāueʻaki ia ke kamataʻi ha ako Tohi Tapu mo ha tokotaha-ʻapi ʻi he fuofua ʻaʻahí ʻi hono matapaá.
ʻAhiʻahiʻi Eni ʻi he Lolotonga ʻa e Māhiná:
Lotu ke maʻu ha holi ke fai ha ako. Pehē foki, kōlenga ʻa e tokoni ʻa Sihová ke kamataʻi ha ako Tohi Tapu pea hoko ko ha faiako ola lelei ʻo e moʻoní.—Fil. 2:13.
Lolotonga ʻa e lotu fakafāmilí pe ako fakafoʻituituí, vaheʻi ha taimi ke ako ʻa e tuʻuakí. ʻE lava ke ke lea ʻi he tuipau pea kamataʻi ha ako Tohi Tapu ʻi he matapaá lolotonga ʻa e ngāue fakafaifekaú.