Founga Foʻou ke Kamata ha Fetalanoaʻaki

ʻI Maʻasi 2016, ʻi he peesi fakaʻosi ʻo e Ko e Taua Leʻo pulusinga maʻá e kakaí ʻoku fakahaaʻi ai “Ko e Hā ʻOku Leaʻaki ʻe he Tohi Tapú?” Ko e founga foʻou ko ení ʻoku faʻu ia ke tokoniʻi kitautolu ke kamata ha fetalanoaʻaki ʻi ha kaveinga Fakatohitapu. Ko e fokotuʻutuʻú ʻoku meimei tatau ia mo ʻetau ngaahi tulekí. ʻOku ʻi ai mo e ngaahi fehuʻi fakatupu fakakaukau mo ha tali mei he Tohi Tapú, pehē foki ʻoku ʻi ai mo e ngaahi poini ʻoku tānaki atu ki he fetalanoaʻakí.

Ko e fetalanoaʻaki fakamānako ʻi he ngaahi kaveinga Fakatohitapú ʻoku faʻa iku atu ki he ngaahi ako Tohi Tapu. Ngāueʻaki ʻa e founga foʻou ko ení ke tokoniʻi ha faʻahinga tokolahi ange ke fakafiemālieʻi ʻenau fiekaia fakalaumālié.—Māt. 5:6.

FOUNGA HONO NGĀUEʻAKÍ:

1. ʻEke ki he tokotaha-ʻapí pe ko e hā e anga ʻene fakakaukau ki he taha ʻo e ngaahi fehuʻí

2. Fanongo ki ai pea fakaongoongoleleiʻi ʻene talí

3. Lau e konga tohi ʻi he kaveinga “Meʻa ʻOku Leaʻaki ʻe he Tohi Tapú,” pea ʻeke pe ko e hā ʻene fakakaukau ki he veesi ko iá. Kapau ʻokú ne faingamālie, hokohoko atu ʻa e fetalanoaʻakí, ngāueʻaki ha poini ʻi he kaveinga “Ko e Hā Te Tau Toe Ako mei he Tohi Tapú?”

4. Tuʻuaki ʻa e makasiní

5. Fokotuʻutuʻu ke fai ha toe foki pea lāulea ki he fehuʻi hono uá