Fakaʻaliʻali ha Kaveinga ʻe Taha pea Tuku ʻa e Makasiní
Ko ʻetau makasiní ʻoku ʻi ai ʻa e ngaahi kaveinga mahuʻinga kehekehe. ʻI he ʻikai feinga ke fakaʻaliʻali ha ngaahi kaveinga kehekehe ʻi he matapā taki taha, ʻoku faʻa lelei ange ke lāulea ki he kaveinga pē ʻe taha. Kapau ʻoku tau fakatokanga meʻa pea alāanga mo e ngaahi meʻa ʻi loto ʻi he makasiní, ʻe lava ke tau fili ha meʻa mei he Taua Leʻo ʻe mahuʻingaʻia ai ʻa e tokotaha-ʻapí. Ko e fakatātaá, kapau ʻoku tau sio ki ha meʻa vaʻinga ʻa e fānaú takatakai ʻi he ʻapí, te tau fili ke lave nai ki ha kupu fekauʻaki mo e moʻui fakafāmilí. Kapau ʻe haʻu ha tangata ki he matapaá, te tau fili nai ke lāulea ki ha kaveinga ʻoku mahuʻingaʻia ai ʻa e kau tangata tokolahi, hangē ko e founga pule leleí. Neongo ʻoku lahi ʻa e ngaahi kaveinga kehekehe ʻi lotó, tau fakaʻaliʻali ʻa e kaveinga ʻe mahuʻingaʻia ai ʻa e tokotaha-ʻapí.