Ngaahi Founga ke Ngāueʻaki ʻa e JW Library

KI HE AKÓ:

• Lau ʻa e Tohi Tapú mo e konga tohi fakaʻahó.

• Lau ʻa e Yearbook, makasini mo ha ʻū tohi kehe. Ngāueʻaki ʻa e bookmark

• Teuteu ki he ngaahi fakataha ʻa e fakatahaʻangá mo fakaʻilongaʻi ʻa e ngaahi talí

• Sio ʻi ha ngaahi vitiō

ʻI HE FAKATAHÁ:

• Sio ʻi he ngaahi konga Tohi Tapu ʻoku lave ki ai ʻa e tokotaha malangá. Ngāueʻaki ʻa e history feature ke toe foki ki ha konga Tohi Tapu

• ʻI he ʻikai ʻomai ha ngaahi tatau kuo pulusi ʻo e ʻū tohí ki he fakatahá, ngāueʻaki hoʻo meʻa fakaʻilekitulōniká ke muimui ʻi he ngaahi kongá mo hiva ʻi he ngaahi hivá. Ko e JW Library ʻoku ʻi ai ha ngaahi hiva foʻou ʻoku teʻeki ke pulusi mai ia ʻi he tohi hivá

ʻI HE NGĀUE FAKAMALANGÁ:

• Fakahaaʻi ha meʻa ki ha taha mahuʻingaʻia mei he JW Library pea tokoniʻi ia ke ne hiki ʻa e app mo e ʻū tohí ki heʻene meʻa fakaʻilekitulōniká

• Ngāueʻaki ʻa e search feature ke maʻu ha veesi Tohi Tapu. Kapau ʻoku ʻikai ʻasi ha foʻi lea ʻi he revised New World Translation, foki ki he Reference Bible pea toe fekumi ki ai

• Huluʻi ha vitiō. Kapau ʻoku ʻi ai ha fānau ʻa e tokotaha-ʻapí, ʻe lava ke ke huluʻi ʻa e Hoko ko e Kaumeʻa ʻo Sihova. Pe ko hoʻo huluʻi ʻa e vitiō Ko e Hā ke Ako Ai ʻa e Tohi Tapú? ke fakatupulekina ʻa e mahuʻingaʻia ʻa e tokotaha ako Tohi Tapú. Kapau ʻoku lea ʻa e tokotahá ʻi ha lea kehe, huluʻi ʻa e vitiō ʻi heʻene leá

• Fakahaaʻi ki he tokotahá ha konga Tohi Tapu ʻi ha lea ʻe taha, ʻo ngāueʻaki ha liliu naʻá ke toki download ki muí ni mai. ʻAlu ki he konga Tohi Tapú pea lomi ʻa e vēsí pea lomi leva ki he liliu naʻe download