Ko Hai ʻOkú Ne Fai ʻa e Finangalo ʻo Sihová ʻi he ʻAho Ní?—Founga ke Ngāueʻaki Iá

Ko e polosiua Ko Hai ʻOkú Ne Fai ʻa e Finangalo ʻo Sihová ʻi he ʻAho Ní? naʻe faʻu ia ke lāulea ki ai mo e kau ako Tohi Tapú ki muʻa pe ko e ʻosi ʻa e ako taki taha.a Ko e lēsoni 1 ki he 4 ʻoku tokoniʻi ai ʻa e kau akó ke nau alāanga mo kitautolu Kau Fakamoʻoni ʻa Sihová, lēsoni 5 ki he 14 ʻoku tokoniʻi ai kinautolu ke nau ʻilo fekauʻaki mo ʻetau ngaahi ngāué, pea ko e lēsoni 15 ki he 28 ʻoku fakahaaʻi ai kiate kinautolu ʻa e ngāue ʻetau kautahá. Ko e lelei tahá ke lāulea hokohoko ki he ngaahi lēsoní tuku kehe kapau ʻoku ʻi ai ha lēsoni ʻoku fuʻu fiemaʻu ke fai ha vakai ki ai ʻi he taimi ko iá. Ko e lēsoni taki taha ʻoku peesi pē ʻe taha pea ʻoku lava ke lāulea ki ai mo e tokolahi taha ʻo e kau akó ʻo feʻunga mo ha miniti ʻe nima ki he hongofulu.

• 

  Fakahanga ʻa e tokangá ki he fehuʻi ʻa ia ko e kaveinga ia ʻo e lēsoní

• Lau ʻa e lēsoní, fakakātoa pe fakakongokonga

• Fetalanoaʻaki ki he meʻa naʻe toki laú. Ngāueʻaongaʻaki ʻa e ngaahi fehuʻi ʻi lalo ʻi he pēsí mo e ngaahi fakatātaá. Lau mo fetalanoaʻaki ki he ngaahi konga Tohi Tapú ʻo ka faingamālie. Fakamamafaʻi ko e ngaahi kaveinga tokoni ʻoku tohiʻi mataʻāʻaá ko e tali ia ki he fehuʻi ʻi he kaveingá

• Kapau ʻoku ʻi ai ha puha “ʻIlo Lahi Ange” lau ia pea fakalototoʻaʻi hoʻo tokotaha akó ke ne muimuiʻi ʻa e fokotuʻú