Loto-Toʻa Hangē ko Selemaiá

Naʻe fakatokanga ʻa Selemaia ʻe hoko ʻa Selusalema ʻo ʻauha ʻo hangē ko Sailó

26:6

• Ko e ʻaʻake ʻo e fuakavá, ʻa ia ʻokú ne fakafofongaʻi ʻa e ʻi ai ʻa Sihová, naʻe tauhi ʻi he taimi ʻe taha ʻi Sailo

• Naʻe fakaʻatā ʻe Sihova ʻa e kau Filisitiá ke nau ʻave ʻa e ʻAʻaké, pea naʻe ʻikai ke toe fakafoki ia ki Sailo

Naʻe fakamanamana ʻa e kau taulaʻeikí, kau palōfitá, mo e kakaí kotoa ke nau tāmateʻi ʻa Selemaia

26:8, 9, 12, 13

• Naʻe puke fakamālohiʻi ʻa Selemaia ʻe he kakaí koeʻuhi ko ʻene kikite ʻo fekauʻaki mo Selusalema pea mo e temipalé

• Naʻe ʻikai ke foʻi ʻa Selemaia ʻo hola

Naʻe maluʻi ʻe Sihova ʻa Selemaia

26:16, 24

• Naʻe tauhi maʻu ʻe Selemaia ʻene loto-toʻá, pea naʻe ʻikai ke liʻaki ia ʻe Sihova

• Naʻe ueʻi ʻe he ʻOtuá ʻa e loto-toʻa ko ʻAhikami ke ne maluʻi ʻa Selemaia

ʻI he poupou mo e fakalototoʻa ʻa Sihová, naʻe malava ai ʻe Selemaia ke ne talaki ha pōpoaki naʻe ʻikai ke manakoa ʻi he taʻu ʻe 40