ʻOku Fakaivia ʻa e Loto-Toʻá ʻe he Hiva ʻo e Puleʻangá

Naʻe fakahīkihikiʻi ʻe Paula mo Sailosi ʻa e ʻOtuá ʻaki ha hiva lolotonga ʻena nofo pōpulá. (Ngā. 16:25) ʻI hotau taimí, naʻe hiva ʻaki ʻe hotau kaungātuí ʻa e ngaahi hiva ʻo e Puleʻangá lolotonga ʻenau ʻi he kemi fakamamahi ko Sachsenhausen ʻi Nasi Siamané mo e lolotonga hono ʻave fakamālohi kinautolu ki Saipīliá. Ko e faʻifaʻitakiʻanga ko ení, ʻoku fakatātāʻi mai ai ʻa e mālohi ʻo e hivá ke fakaivia ʻa e loto-toʻa ʻa e kau Kalisitiane ko ia ʻoku nau fehangahangai mo e ngaahi ʻahiʻahí.

ʻOku vavé ni ke maʻu ʻa e tohi hiva foʻou ko ení ʻi ha ngaahi lea lahi ʻa ia ʻoku fakakaveinga ko e “Sing Out Joyfully” kia Sihova. ʻI heʻetau maʻu pē ha tatau, ʻe lava ke tau ʻai ke maʻu ʻa e fasí ʻi hotau ʻatamaí ʻaki ʻetau ako ʻa e ngaahi hivá ʻi heʻetau lotu fakafāmilí. (ʻEf. 5:19) Pea ʻe tokoniʻi leva kitautolu ʻe he laumālie māʻoniʻoní ke tau manatuʻi ia ʻi he taimi ʻo e ʻahiʻahí. ʻOku lava ke tokoniʻi kitautolu ʻe he ngaahi hiva ʻo e Puleʻangá ke hangataha ʻetau tokangá ki heʻetau ʻamanakí. He ʻoku fakaivia ai kitautolu ʻi heʻetau fehangahangai mo e ngaahi ʻahiʻahí. Pea ʻi he taimi ʻoku tau ongoʻi lelei aí, ko e ngaahi fasi fakatupu langa haké ʻokú ne ʻai kitautolu ke tau ‘hiva fiefia’ koeʻuhi ko e tuʻunga lelei ʻi hotau lotó. (1 Kal. 15:16; Saame 33:1-3) ʻOfa ke tau ngāueleleiʻaki ʻetau ngaahi hiva ʻo e Puleʻangá!

SIO ʻI HE VITIŌ KO HA HIVA ʻOKÚ NE FAKAIVIA ʻA E KAU NGĀUÉ, PEA TALI LEVA ʻA E NGAAHI FEHUʻI KO ENÍ:

• Ko e hā ʻa e ngaahi tuʻunga naʻá ne ʻai ʻa Tokoua Frost ke ne faʻu ha foʻi hiva?

• Naʻe anga-fēfē hono fakaivia ʻe he hivá ʻa e fanga tokoua ʻi he kemi fakamamahi ko Sachsenhausen?

• Ko e hā ha ngaahi tuʻunga fakaʻaho ʻe lava ke fakaivimālohiʻi ai koe ʻe he ngaahi hiva ʻo e Puleʻangá?

• Ko e hā ʻa e ngaahi hiva ʻo e Puleʻangá te ke saiʻia ke ako maʻulotó?