Fakahīkihikiʻi Fiefia ʻa Sihova ʻAki ʻa e Hiva

Naʻe fakahīkihikiʻi ʻe Paula mo Sailosi ʻa Sihova ʻaki ʻa e hiva lolotonga ʻena ʻi he pilīsoné. (Ngā. 16:25) Naʻe ʻikai ha toe veiveiua hono fakaivimālohiʻi kinaua ʻi heʻena hivá ke na kātaki. Fēfē ʻa kitautolu ʻi he ʻaho ní? Ko e ngaahi hiva ʻoku ngāueʻaki ki he lotú mo e original songs ʻoku lava ke ne fakalototoʻaʻi kitautolu pea tokoniʻi kitautolu ke tau hanganaki faitōnunga ʻi he taimi ʻo e ʻahiʻahí. Ko e toe lahi angé, ʻoku nau fakahīkihikiʻi ʻa Sihova. (Saame 28:7) Kuo fakalototoʻaʻi kitautolu ke ako maʻuloto ʻa e niʻihi ʻo e ngaahi hiva foʻoú. Kuó ke ʻosi ʻahiʻahi eni? ʻE lava ke tau ngāueʻaki ʻetau lotu fakafāmilí ke ʻahiʻahiʻi ai ʻa e ngaahi hivá pea mo ako ʻa e ngaahi lea ʻo e hivá.

SIO ʻI HE VITIŌ FAKAHĪKIHIKIʻI ʻE HE FĀNAÚ ʻA SIHOVA ʻAKI ʻA E HIVA, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e ʻaonga kiate kitautolu ʻa e ngaahi hiva ʻo e Puleʻangá?

• 

  ʻOku anga-fēfē ʻa e teuteu ʻa e Potungāue Hiki-Leʻó mo e Vitioó ke hiki ha hiva?

• 

  ʻOku anga-fēfē ʻa e teuteu ʻa e fānaú mo honau ngaahi fāmilí ki muʻa ke hiki ha hiva?

• 

  Ko e hā ha hiva ʻi he ngaahi hiva ʻo e Puleʻangá ʻokú ke saiʻia taha aí, pea ko e hā hono ʻuhingá?