Tuku Hoʻomou Loto-Moʻua

ʻI he Malanga ʻi he Moʻungá, naʻe pehē ai ʻe Sīsū: “Tuku hoʻomou loto-moʻua fekauʻaki mo hoʻomou moʻuí.” (Māt. 6:25) Neongo ʻoku fakanatula pē ki he faʻahinga taʻehaohaoa ʻo e tangatá ʻoku moʻui ʻi he māmani ʻo Sētané ke loto-moʻua ʻi ha taimi, naʻe akoʻi ʻe Sīsū hono kau muimuí ke nau fakaʻehiʻehi mei he loto-moʻua tōtuʻá. (Saame 13:2) Ko e hā hono ʻuhingá? Koeʻuhi ko e loto-moʻua taʻetotonú, naʻa mo ʻene fekauʻaki mo e ngaahi fiemaʻu fakaʻahó, ʻoku lava ke ne fakaleluʻi kitautolu, ʻo ʻai ke faingataʻa ange ʻetau fuofua kumi ki he Puleʻangá. (Māt. 6:33) Ko e toe ngaahi fakamatala ʻa Sīsuú te ne tokoniʻi kitautolu ke tuku ʻetau loto-moʻua taʻetotonú.

• Māt. 6:26—Ko e hā ʻoku lava ke tau ako mei he sio ki he fanga manupuná? (w16.07 9-10 ¶11-13)

• Māt. 6:27—Ko e hā ʻoku fakamole taimi ai mo fakamole ivi ʻa e hohaʻa taʻetotonú? (w05 11/1 22 ¶5)

• Māt. 6:28-30—Ko e hā ʻa e lēsoni ʻoku lava ke tau ako mei he ngaahi lile ʻo e vaó? (w16.07 10-11 ¶15-16)

• Māt. 6:31, 32—ʻI he ngaahi founga fē ʻoku kehe ai ʻa e kau Kalisitiané mei he ngaahi puleʻangá? (w16.07 11 ¶17)

Ko e hā ʻa e meʻa ʻoku ou loto ke tuku ʻeku loto-moʻua ki aí?