Fakaleleiʻi ʻEtau Pōtoʻi ʻi he Ngāue Fakafaifekaú—ʻAhia ʻa e JW.ORG

ʻUHINGA ʻOKU MAHUʻINGA AÍ: Ko e tohi kotoa pē ʻi heʻetau Puha Meʻangāue Fakafaiakó ʻoku lave ki he jw.org. Ko hono moʻoní, ko e taumuʻa tefito ʻo e kaati fetuʻutakí mo e tuleki Te Tau Maʻu mei Fē ʻa e Tali ki he Ngaahi Fehuʻi Mahuʻinga ʻi he Moʻuí? ke tataki ʻa e kakaí ki heʻetau uepisaití. ʻE lava ke ke ʻoatu ha tohi mei heʻetau Puha Meʻangāue Fakafaiakó ki ha taha ʻo ngāueʻaki ʻa e jw.org ke ʻīmeili ha tatau fakaʻilekitulōnika pe ʻoatu ha link. ʻE lava ke tokoni eni tautefito ʻi he faifakamoʻoni ki ha taha ʻoku lea ʻi ha lea kehe. Tānaki atu ki ai, ʻoku ʻeke nai ʻe he kakaí ha ngaahi fehuʻi ʻoku tali ia ʻe ha ʻū tohi ʻoku ʻikai maʻu ʻi heʻetau Puha Meʻangāue Fakafaiakó. Kapau ʻe lava ke tau ʻahia ʻa e uepisaití te tau ola lelei ange ai ʻi heʻetau ngāue fakafaifekaú.

FOUNGA HONO FAI IÁ:

• 

  Ngāueʻaki ʻa e tab “AKONAKI MEI HE TOHI TAPÚ.” Pehē pē ʻokú ke faifakamoʻoni ki ha mātuʻa ʻokú ne fiemaʻu ha fakamatala lahi ange fekauʻaki mo hono tauhi hake ha kiʻi tama. ʻAlu ki he AKONAKI MEI HE TOHI TAPÚ > NOFO MALÍ & FĀMILÍ.

• Ngāueʻaki ʻa e tab “ʻŪ TOHI.” Pehē pē ʻokú ke faifakamoʻoni ʻi he founga ʻikai anga-mahení ʻi he ʻapiakó pea ʻokú ke loto ke fakahaaʻi ki ha kaungāako ʻa e polosiua Tali ki he Fehuʻi ʻe 10 ʻOku ʻEke ʻe he Toʻutupú. ʻAlu ki he ʻŪ TOHI > ʻŪ TOHI MO E POLOSIUA.

• Ngāueʻaki ʻa e tab “FEKAUʻAKI MO KIMAUTOLU.” Pehē pē ʻokú ke faifakamoʻoni ki ha kaungāngāue ʻokú ne fie lau ha fakamatala nounou fekauʻaki mo ʻetau tuí. ʻAlu ki he FEKAUʻAKI MO KIMAUTOLU > NGAAHI FEHUʻI ʻOKU TOUTOU ʻEKE.

SIO ʻI HE VITIŌ ʻAHIA ʻA E JW.ORG, PEA LĀULEA LEVA KI HE TAFAʻAKI TE KE ʻALU KI AI ʻI HE UEPISAITÍ KI HA TOKONI:

• ki ha tokotaha fakaʻikaiʻi-ʻOtua

• ki ha tokotaha kuó ne toki hokosia ha meʻa fakamamahi

• ki ha tokoua pe tuofefine ʻikai longomoʻui

• ki ha toe ʻaʻahi ʻoku fifili ki he anga hono fakapaʻanga ʻetau ngāué

• ki ha taha mei ha fonua kehe ʻokú ne loto ke maʻu ha fakataha ʻi hono fonuá tonu