ʻIkai Maumau ha Meʻa

Hili hono fafanga fakaemana ʻe Sīsū ʻa e kakai tangata ʻe toko 5,000 fakataha mo e kakai fefine mo e fānaú, naʻá ne tala ki heʻene kau ākongá: “Tānaki fakataha ʻa e mapakipakiʻi mā ʻoku toé, ke ʻoua ʻe maumau ha meʻa.” (Sione 6:12) Naʻe fakahaaʻi ʻe Sīsū ʻa e houngaʻia ʻi he ngaahi tokonaki ʻa Sihová ʻaki hono ʻikai maumauʻi kinautolu.

ʻI onopooni, ʻoku feinga ʻa e Kulupu Pulé ke faʻifaʻitaki kia Sīsū ʻi hono ngāue fakapotopotoʻaki ʻa e ngaahi koloa kuo foaki līʻoá. Ko e fakatātaá, ʻi hono langa ʻa e ʻuluʻi ʻapitanga he māmaní ʻi Warwick, Niu ʻIoke, naʻe fili ʻe he fanga tokouá ʻa e palani langa ʻe ngāue lelei taha ʻaki ai ʻa e paʻanga tokoní.

ʻE LAVA FĒFĒ KE TAU FAKAʻEHIʻEHI MEI HE MAUMAU MEʻÁ . . .

• 

  ʻi he taimi ʻoku tau ʻi he ngaahi fakataha faka-Kalisitiané aí?

• 

  ʻi he taimi ʻoku tau maʻu ai ha ʻū tohi ke tau ngāueʻaki fakafoʻituituí? (km 5/09 3 ¶4)

• 

  ʻi he taimi ʻoku tau ʻave ai ha ʻū tohi ke ngāueʻaki ʻi he ngāue fakafaifekaú? (mwb17.02 “Ngāue Fakapotopotoʻaki ʻa e ʻŪ Tohi Fakatohitapú” ¶1)

• 

  ʻi he taimi ʻoku tau kau ai ʻi he ngāue fakafaifekaú? (mwb17.02 “Ngāue Fakapotopotoʻaki ʻa e ʻŪ Tohi Fakatohitapú” ¶2 mo e puha)